Latest News
Image default
રાજ્ય

સુરતમાં ઓનલાઈન ફ્રેન્ડશીપ કરી યુવકનો ન્યૂડ વીડિયો ઊતારી બ્લેકમેઈલ કરી પૈસા પડાવ્યા

સુરત

સુરતમાં વધુ એક એવી ઘટના બની છે કે જેમાં ઓનલાઈન ફ્રેન્ડશિપ થયા બાદ યુવકને રડવાનો વારો આવ્યો છે. અજાણી છોકરી ફેસબૂકના માધ્યમથી ફ્રેન્ડ બની હતી અને પછી છોકરીએ જે કાંડ કર્યો તે અંગે છોકરાએ કલ્પના પણ નહીં કરી હોય. મીઠી-મીઠી વાતો થયા પછી ઓનલાઈન સમાગમનું કહીને યુવતીએ છોકરાનો વીડિયો ઉતારી લીધો હતો, આ પછી ભેજાબાજ ટોળકીએ એક પછી એક ફોન કરીને ધાક-ધમકી આપીને છોકરા પાસે રૂપિયા પડાવવાનું શરુ કર્યું હતું. શહેરના સચિન અને તલંગપુર બે વિસ્તારમાં આવી ઘટના બની છે કે જેમાં છોકરાઓને છોકરી સાથે મિત્રતાના નામે છેતરીને રૂપિયા પડાવવાની કોશિશ કરાઈ છે.

શહેરના સચિન વિસ્તારમાં રહેતા યુવકની મિત્રતા ફેસબૂક દ્વારા પોતાની ઓળખ અનીસા પરમાર આપનારી છોકરી સાથે થઈ હતી. બન્ને વચ્ચે વાતો ચાલી અને અનીસાએ યુવકને શારીરિક સંબંધોના વિષય પર વાળીને તેની પાસેથી મોબાઈલ નંબર મેળવી લીધો હતો. નંબર મળ્યા પછી અનીસાએ અડધી રાત્રે ફોન કરીને યુવકને એવો ઉશ્કેર્યો કે યુવકે કપડા ઉતાર્યા અને બીજી તરફ છોકરીએ તેનો વિડીયો બનાવી લીધો હતો. આ પછી છોકરાને બ્લેકમેઈલ કરીને રૂપિયા પડાવવાનો સિલસિલો શરુ થયો હતો.
મીઠી-મીઠી વાતો કર્યા પછી બરાબરના ભરાયેલા યુવકે યુવતીની રૂપિયા માગવાની વાતને ફગાવી દીધી હતી. પરંતુ બે દિવસ પછી ફરી એક ફોન આવ્યો અને તેમાં સામેવાળી વ્યક્તિએ પોતાની ઓળખ મુંબઈ ક્રાઈમ બ્રાચના નામે આપી હતી. સામે છેડેથી શખ્સે યુવકને ડરાવવા માટે કહ્યું કે, તમારો નગ્ન વિડીયો વાયરલ થઈ રહ્યો છે, જો તેને અટકાવવો હોય તો મારો એક મુકેશ નામનો મિત્ર છે જે યુ-ટ્યુબમાં નોકરી કરે છે, તેનો ફોન કર્યો. યુવકે પોતાની બદનામી ના થાય તેવા ડરે યુવકે મુકેશને ફોન કર્યો અને વાયરલ થઈ રહેલા વિડીયોને અટકાવવા અંગે વાત કરી.

જ્યારે યુવકમાં બદનામીનો ડર શરુ થયો હોવાનું માલુમ પડ્યું એટલે રૂપિયા પડાવવાની શરુઆત થઈ ગઈ. મુકેશ વિડીયો 80% અપલોડ થઈ ગયો છે અને તેને અટકાવવા માટે 1.20 લાખ રૂપિયા ભરવા પડશે અને તેમાંથી 10% કપાઈને તમારા અકાઉન્ટમાં બાકીની રકમ પરત આવી જશે. ઈજ્જતનો ભવાડોના થાય તે માટે યુવકે ઓનલાઈન રૂપિયા ટ્રાન્સફર કરી દીધા હતા પરંતુ તેને ખ્યાલ નહોતો કે તેની સાથે છેતરપિંડી થઈ રહી છે. આ પછી યુવકને બીજો એક ફોન આવ્યો જેમાં કહેવામાં આવ્યું કે યુવતીએ જીવન ટૂંકાવ્યું છે અને જો કેસથી બચવું હોય તો 72,000 રૂપિયા આપવા પડશે.
વારંવાર થતી રૂપિયાની માગણી બાદ શંકા જતા યુવકે રૂપિયા આપવાના બદલે સચિન પોલીસ સ્ટેશનમાં ફરિયાદ નોંધાવી હતી.
તલંગપુર વિસ્તારમાં બનેલી ઘટનામાં પણ આવી ફરિયાદ નોંધાઈ છે જેમાં યુવક સાથે ઓનલાઈન ફ્રેન્ડશિપ કર્યા પછી સેક્સના નામે લલચાવીને વિડીયો ઉતારી લીધો હતો. આ પછી યુવકને બેલ્કમેઈલ કરવાનું શરુ કર્યું હતું. રૂપિયાની માગણી થતા યુવકે આ મામલે સચિન જીઆઈડીસી વિસ્તારમાં પોલીસ ફરિયાદ નોંધાવી છે.

સંબંધિત પોસ્ટ્સ

ફોટા વાયરલ કરવાની ધમકી આપીને સુરતની યુવતી પર દુષ્કર્મ કરનારની ધરપકડ

Samachar Viswa

કાળઝાળ ગરમીની વચ્ચે માર્ચમાં રાજ્યમાં કમોસમી વરસાદની આગાહી

Samachar Viswa

હેરટ્રાન્સપ્લાન્ટ બાદ વિસનગરના યુવકના મોતની તપાસનો ધમધમાટ

Samachar Viswa

એક ટિપ્પણી મૂકો