Latest News
Image default
રાજ્ય

પાક બોર્ડ પાસે રહેતા યુવક પાસે નાસી ગયેલી યુવતીને અમદાવાદ પાછી લવાઈ

અમદાવાદ

સોશિયલ મીડિયા મારફતે પ્રેમ થાય બાદ છોકરીઓના ભાગવાના કિસ્સામાં વધારો થયો છે. ત્યારે આવો જ વધુ એક કિસ્સો અમદાવાદમાંથી સામે આવ્યો છે. ધોરણ 12 સાયસન્સમાં ટોપર રહેલી 17 વર્ષની છોકરીને ઈન્સ્ટાગ્રામ મારફતે પંજાબ-પાકિસ્તાન બોર્ડરથી ત્રણ કિલોમીટર દૂર આવેલા એક ગામમાં રહેતા યુવક સાથે પ્રેમ થયો હતો. પ્રેમ થયા બાદ યુવકે આ છોકરીને ફ્લાઈટની ટિકિટ મોકલી હતી. જે બાદ તે ગયા માર્ચ મહિનામાં ભાગીને પંજાબ-પાકિસ્તાન બોર્ડર પાસે પહોંચી હતી. બાદમાં ત્યાં પ્રેમી યુવક સાથે રહેવા લાગી હતી. છોકરીના પિતાએ હાઈકોર્ટમાં હેબિયર્સ કોર્પસ રિટ દાખલ કર્યા બાદ મેઘાણીનગર પોલીસે બોર્ડર નજીકના ગામમાં ઓપરેશન હાથ ધર્યુ હતુ. બાદમાં છોકરીને શોધી લાવ્યા હતા. સાથે જ આરોપી યુવક અને તેને મદદ કરનારા પિતાની પણ પોલીસે ધરપકડ કરી જેલભેગા કર્યા હતા.

પ્રાપ્ત રિપોર્ટ મુજબ, મેઘાણીનગરમાં રહેતી છોકરી ધોરણ 10માં અભ્યાસ કરતી હતી. ત્યારે ઈન્સ્ટાગ્રામ મારફતે પંજાબ-પાકિસ્તાન બોર્ડર પાસે આવેલા એક ગામમાં રહેતા રોહિત નામના યુવક સાથે ઓળખાણ થઈ હતી. ત્યારબાદ બંનેને પ્રેમ થઈ ગયો હતો. જો કે, બે વર્ષ સુધી તેઓ ક્યારેય મળ્યા નહોતા. પરંતુ ગયા માર્ચ મહિનામાં રોહિતે છોકરીને પોતાની પાસે બોલાવી હતી અને ફ્લાઈટની ટિકિટ મોકલી હતી. જે બાદ છોકરી ઘર છોડીને ફ્લાઈટ મારફતે દિલ્હી પહોંચી હતી. રોહિત છોકરીને લેવા માટે દિલ્હી પહોંચ્યો હતો. બાદમાં બંને દિલ્હી થઈ પાકિસ્તાનથી ત્રણ કિલોમીટર દૂર આવેલા પંજાબના ફઝિલ્કા જિલ્લાના લમચોર ગામમાં પહોંચ્યા હતા.
પોતાની છોકરી ગુમ થયા બાદ પરિવારે સ્થાનિક પોલીસ સ્ટેશનમાં ફરિયાદ નોંધાવી હતી. આ ફરિયાદ બાદ પોલીસ બે વખત પંજાબ ગઈ હતી, પણ સફળતા મળી નહોતી. આખરે કંટાળીને છોકરીના પિતાએ હાઈકોર્ટમાં હેબિયર્સ કોર્પસ રિટ દાખલ કરી હતી. જેમાં હાઈકોર્ટે પોલીસને છોકરીને શોધી લાવવા માટે આદેશ કર્યો હતો. જે બાદ વધુ એક વખત પોલીસ કાફલો અને ઉચ્ચ અધિકારીઓ સાથે લમચોર ગામમાં પહોંચ્યો અને ઓપરેશન હાથ ધર્યુ હતુ.
જે બાદ પોલીસને છોકરીને શોધવામાં સફળતા મળી હતી. એ પછી પોલીસ છોકરી, આરોપી રોહિત અને તેના પિતાને પકડીને અમદાવાદ લાવી હતી. બાદમાં પોલીસે અપહરણ સહિતની કલમ હેઠળ ગુનો નોંધીને આરોપી રોહિત અને તેના પિતાને જેલભેગા કર્યા હતા. સાથે જ પોલીસે છોકરી પર બળાત્કાર ગુજારવામાં આવ્યો છે કે નહીં એ માટે મેડિકલ તપાસ પણ હાથ ધરી છે. જેનો રિપોર્ટ આવ્યા બાદ બળાત્કાર ગુજારવામાં આવ્યો હશે તો એ કલમ પણ પોલીસ ઉમેરશે.

સંબંધિત પોસ્ટ્સ

જયરાજસિંહ પરમારે ભાજપનો ખેસ ધારણ કર્યો

Samachar Viswa

મણિનગરમાં મધના ઉત્પાદક સાથે તોડબાજી પ્રકરણમાં બે કોન્સ્ટેબલ સામે ફરિયાદ

Samachar Viswa

નવા નરોડામાં ક્લાસ વન અધિકારી અને ડીસીપી ઓફિસના કર્મીના પરિવાર વચ્ચે ઝઘડો

Samachar Viswa

એક ટિપ્પણી મૂકો