Latest News
Image default
રાષ્ટ્રીય

અયોધ્યામાં નદીમાં સ્નાન કરતા પતિ-પત્ની નજકી આવી જતાં લોકોની ટપલાબાજી

અયોધ્યા

ભારતમાં સામાન્ય રીતે જાહેર જગ્યા પર પ્રેમાલાપ કરવો પતિ-પત્ની માટે પણ મુશ્કેલીનું કારણ બનતો હોય છે. આવા ઘણાં કિસ્સા બન્યા છે કે પ્રેમમાં ડૂબેલા પતિ-પત્નીને પણ લોકોએ નિશાના પર લીધા હોય. આવી જ એક ઘટના અયોધ્યામાં બની છે કે જેમાં નદીમાં સાથે નહાવા બેઠેલા પતિ-પત્ની એક બીજાની વધારે નજીક આવતા જોઈને ત્યાં હાજર ટોળાએ કાયદો હાથમાં લઈને યુવક પર ટપલીદાવ કર્યો હતો. આ મામલે પોલીસે પોતે વિડીયો જાહેર કરીને કાર્યવાહીની વાત કરી છે.

અયોધ્યામાં સરયુ નદીના પાણીમાં ડૂબકી લગાવતી વખતે પતિ-પત્ની પ્રેમમાં એવા ખોવાઈ ગયા હતા કે તેમને ખબર નહોતી કે તેમની સાથે શું થશે. પાણીમાં સાથે નહાતા પતિ-પત્ની એક બીજાની નજીક આવી રહ્યા હતા તેના પર કેટલાક શખ્સો ધ્યાન રાખીને બેઠા હતા. જેવા આ પતિ પત્ની પ્રેમમાં ડૂબીને કંઈક કરવાની કોશિશ કરે તે પહેલા જ ત્યાં પહોંચેલા લોકોએ યુવકને પાણીમાંથી બહાર કાઢીને માર મારવાનું શરુ કર્યું હતું. આ ઘટનાને લઈને પોલીસે દ્વારા તપાસ કરવામાં આવી રહી છે.
ઘટનો જે વિડીયો સામે આવ્યો છે તેમાં દેખાય છે કે એક કપલ પાણીમાં નહાઈ રહ્યું છે, આ દરમિયાન તેઓ એકબીજાની વધારે નજીક આવતા દેખાય છે, આ જોઈને ત્યાં હાજર લોકો ગુસ્સે ભરાઈ ગયા હતા અને યુવકને તેની પત્નીથી અલગ લઈ જઈને માર મારવાનું શરુ કર્યું હતું, આ દરમિયાન યુવકના ચશ્મા પણ નદીમાં પડી ગયા હતા. જે પછી યુવકને નદીમાંથી બહાર ઘાટ પર લાવીને લોકોએ તેને માર મારવાનું શરુ કર્યું હતું.
આ દરમિયાન પત્નીએ પોતાના પતિને બચાવવાની કોશિશ કરી પરંતુ મોટી સંખ્યામાં પુરુષોનું ટોળું થઈ જતા તે કશું કરી શકી નહોતી, આ પછી ત્યાં આવેલા એક અન્ય શખ્સે યુવકને બચાવીને ટોળાથી દૂર કરતો હોય તે દેખાય છે.
અયોધ્યા પોલીસે ટ્વિટર પર જણાવ્યું કે આ ઘટનાને લઈને તપાસ માટેના આદેશ આપી દેવામાં આવ્યા છે.
ગંગાની સાત સહાયક નદીઓમાંથી સરયુ એક છે, જે ઉત્તરપ્રદેશના આધ્યાત્મિક ગણાતા અયોધ્યામાંથી પસાર થાય છે, આ નદીમાં હિન્દુઓને ભારે આસ્થા છે, અયોધ્યામાં ભગવાન રામનો જન્મ થયો હોવાથી અહીં મોટી સંખ્યામાં ભક્તો આવતા હોય છે અને તેઓ નદીમાં સ્નાન કરતા હોય છે.

સંબંધિત પોસ્ટ્સ

પહેલી નવેમ્બરથી બદલાનારા નિયમો નાગરિકોના ખિસ્સા પરનો બોજ વધારશે

Samachar Viswa

અડવાણીનો 94મો જન્મદિન, મોદી-શાહે શુભેચ્છા પાઠવી

Samachar Viswa

શીના બોરા જીવિત છે, કાશ્મીરમાં છેઃ માતા ઈન્દ્રાણી મુખર્જી દાવો

Samachar Viswa

એક ટિપ્પણી મૂકો