Latest News
Image default
લાઈફસ્ટાઈલ

ભાઈએ બહેનના લગ્નમાં પિતાનું મીણનું પૂચશું ભેટમાં આપ્યું

બેંગલુરૂ

દીકરીના લગ્નમાં બહારથી સૌથી વધુ ખુશ અને અંદરથી સૌથી વધુ દુઃખી પિતા હોય છે. દરેક દીકરી પણ ઈચ્છે છે કે, તેની વિદાય માતા-પિતાના હાથથી જાય. પરંતુ દરેક માટે વિધાતા સરખા લેખ લખતાં નથી. કેટલીક દીકરી સમય કરતાં પહેલા જ માતા અથવા પિતાની છત્રછાયા ગુમાવી દે છે. આવી જ એક દીકરીના હાલમાં લગ્ન થઈ રહ્યા હતા. પિતાને ગુમાવનારીને તેમની યાદ આવી રહી હતી. ત્યારે અચાનક જ સામે પિતાને જોઈને તે અચંબિત થઈ હતી અને ચોંધાર આંસુએ રડવા લાગી હતી. દિવંગત પિતા કેવી રીતે પાછા આવ્યા? તેવો સવાલ તમને પણ મનમાં થશો હશે. પરંતુ હકીકતમાં તે પિતા નહીં પરંતુ તેમનું મીણનું પૂતળું હતું, જેની ભેટ યુવતીને ભાઈ તરફથી મળી હતી.
સોશિયલ મીડિયામાં વાયરલ થયેલા વીડિયોમાં જોઈ શકાય છે કે, યુવતીના દિવંગત પિતાનું વેક્સ સ્ટેચ્યૂ આબેહૂબ તેમના જેવું જ છે. જ્યારે વેડિંગ હોલમાં સ્ટેચ્યૂ લાવવામાં આવે છે ત્યારે યુવતી રડવા લાગે છે. તેની સાથે ત્યાં હાજર તેના માતા અને બાકીના લોકો પણ ઈમોશનલ થઈ જાય છે. સ્ટેચ્યૂ જોઈને તેવુ જ લાગે છે કે જાણે યુવતીના પિતા સાચેમાં સામે છે. યુવતી પિતાના સ્ટેચ્યૂને ભેટીને રડવા લાગે છે અને ત્યારબાદ પરિવારના સભ્યો તસવીરો પણ ક્લિક કરાવે છે.
દુલ્હન બનેલી બહેનને આ સરપ્રાઈઝ તેના અવુલા ફાની નામના ભાઈએ આપી હતી, જે અમેરિકામાં રહે છે. મીડિયા રિપોર્ટ્સ પ્રમાણે, પિતાનું મોત કોરોનાના કારણે થયું હતું. સારવાર દરમિયાન ઓક્સિજન લેવલ ઓછું થઈ ગયું હતું અને ત્યારબાદ તેમણે અંતિમ શ્વાસ લીધા હતા. ફાનીના જણાવ્યા પ્રમાણે, તેના પિતા BSNLમાં નોકરી કરતાં હતા અને તેમની પ્રતિમા કર્ણાટકમાં બનાવડાવી હતી. જેને બનાવવામાં એક વર્ષનો સમય લાગ્યો હતો. સોશિયલ મીડિયા પર વીડિયો વાયરલ થયાં બાદ યૂઝર્સ પ્રતિક્રિયા આપી રહ્યા છે અને યુવતીને મળેલી ગિફ્ટને ‘શ્રેષ્ઠ’ ગણાવી રહ્યા છે, સાથે જ તેના ભાઈના પણ વખાણ કરી રહ્યા છે.

સંબંધિત પોસ્ટ્સ

લગ્ન મંડપમાં દુલ્હન રાહ જોતી રહી અને પ્રેમિકા વરરાજાને ભગાડી ગઈ

Samachar Viswa

પાકિસ્તાનમાં સગાઓમાં લગ્નને લીધે આનુવંશિક વિકારના કેસ વધી રહ્યા છે

Samachar Viswa

સંસ્કૃત વ્યાકરણમાં Ph.d.કરનાર વિશારદ ધૈર્યાબહેન સંસ્કૃતમાં ગરબાની પ્રસ્તુતિ કરે છે

shadmin

એક ટિપ્પણી મૂકો