Latest News
Image default
સ્પોટર્સ

કોમનવેલ્થ ગેમ્સમાં સાતમા દિવસે ભારતીય બોક્સરોની રિંગમાં ધૂમ

બર્મિગહામ

બર્મિંગહામ કોમનવેલ્થ ગેમ્સ 2022ના સાતમો દિવસ ભારત માટે શાનદાર રહ્યો છે. ખાસ કરીને ભારતીય બોક્સરોની રિંગમાં ધૂમ રહી અને 7 મેડલ પાક્કા થઈ ગયા છે. જ્યારે ભારતના પુરુષ હોકી ટીમે પૂલમાં ટોપ પર રહીને અંતિમ ચારમાં પોતાની જગ્યા પાક્કી કરી લીધી છે. હિમા દાસે 200 મીટર રેસમાં આગળ રહીને સેમીફાઈલનમાં પહોંચી ગઈ છે. જ્યારે ટેબલ ટેનિસ, સ્ક્વાશ, પેરા ટેબલ ટેનિસની લીગ મેચમાં દિગ્ગજ ખેલાડીઓએ અપેક્ષા પ્રમાણે પ્રદર્શન કર્યું છે, જ્યારે પાવરલિફ્ટિંગમાં નિરાશા મળી છે. ભારત માટે કોમનવેલ્થમાં સાતમો દિવસના પિરણાઁમ નીચે મુજબ છે.
હરમનપ્રીત સિંહની હેટ્રિકના દમ પર પૂલ Bની અંતિમ લીગમાં વેલ્સને 4-1થી હરાવીને ભારતીય ટીમ સેમીફાઈનલમાં પહોંચી ગઈ છે, હવે ટીમની ન્યૂઝીલેન્ડ સામે ટક્કર થશે. ભારતીય ટીમ પૂલ Bમાં ત્રણ જીત અને એક ડ્રો સાથે એવરેજમાં બાજી મારી છે. શનિવારે સેમીફાઈનલમાં ભારતનો સામનો ન્યુઝીલેન્ડ અને ઈંગ્લેન્ડનો પૂલ એની ટોપ પર રહેલી ઓસ્ટ્રેલિયા સામે થશે.
કોમનવેલ્થ ગેમ્સની બોક્સિંગની સ્પર્ધામાં ભારતના મેડલમાં વધારો થવાનું યથાવત છે, જેમાં સાગર અહલાવત, અમિત પંઘાલ, જૈસમીન પોતાની કેટેગરીની સ્પર્ધામાં સેમીફાઈનલમાં પહોંચી ગયા છે. હરિયાણાના 22 વર્ષના સાગરે પુરુષોના સુપર હેવીવેઈટ (+92kg) વર્ગના ક્વાર્ટફાઈનલમાં સેશેલ્સના કેડી ઈવાંસને 5-0થી માર આપીને મેડલ પાક્કો કરી લીધો છે.
આ પહેલા ગોલ્ડ કોસ્ટમાં પાછલા તબક્કામાં બ્રોન્ઝ મેડલ વિજેતા પંઘાલ ક્વાલિફાઈ (48-51kg) ક્વાર્ટર ફાઈનલમાં સ્કોટલેન્ડના લેનોની મુલીગન સામે જીત મેળવી હતી. જ્યારે જૈસમીને મહિલાના લાઈટ વેટ (60kg) વર્ગ ક્વાર્ટર ફાઈનલમાં ન્યુઝીલેન્ડની ટ્રાય ગાર્ટનને 4-1થી હરાવી હતી. જે પહેલા વર્લ્ડ ચેમ્પિયન નિકહત જરીન, નીતુ ગંધાસ અને મોહમ્મદ હુસામુદ્દીન સેમીફાઈનલમાં પહોંચી ચુક્યા છે.
ભારતની સ્ટાર દોડવીર હિમા દાસે 200 મીટર સ્પર્ધામાં પોતાની રેસ 23.42 સેકન્ડમાં પૂર્ણ કરીને સેમીફાઈનલમાં ક્વાલીફાય કરી લીધું છે. જ્યારે મહિલાઓની હેમર થ્રો સ્પર્ધામાં મંજૂ બાલા ફાઈનલમાં પહોંચી ગઈ છે, જ્યારે સરિતા સિંહ આમ કરવામાં નિષ્ફળ રહી છે.
ભારતની મનપ્રીત કૌર અને સકીના ખાતૂન પાવર લિફ્ટિંગમાં ફાઈનલમાં ચોથા અને પાંચમા સ્થાને રહેલા મેડલથી ચુકી ગયા છે, જ્યારે પુરષોના ફાઈનલમાં પરમજીત કુમાર ત્રણે પ્રયાસમાં નિષ્ફળ રહેતા અંતિમ સ્થાન પર રહ્યા હતા.
ટોકિયો પેરાલિમ્પિકમાં બ્રોન્ઝ મેડલ વિજેતા ભાવિનાબેન પટેલ સહિત ભારતના ત્રણ પેરા ટેબલ ટેનિસ ખેલાડીઓએ પોતાની મેચ જીતી છે. ભાવિનાબેને મહિલા સિંગલમાં ફીજીની લાતુ અકાનિસીને હરાવી હતી. જ્યારે સોનલબેન પટેલે આ શ્રેણીમાં નાઈઝીરિયાની ચિનેન્યે ઓબેયુરાને હરાવી હતી.

સંબંધિત પોસ્ટ્સ

આઈપીએલના નોકઆઉટમાંથી ફેંકાઈ જનારી પ્રથમ ટીમ બન્યા બાદ મુંબઈ ઈન્ડિયન્સનો સુકાની રોહિત શર્મા ભાવુક બન્યો

Samachar Viswa

ગુજરાત રાજ્ય અન્ડર-7 (ઓપન અને ગર્લ્સ) માટે પસંદગી રાષ્ટ્રીય ચેસ ચેમ્પિયનશિપ-2022

Samachar Viswa

રવીન્દ્ર જાડેજા આઈસીસી ટેસ્ટ રેન્કિંગમાં નંબર-1 ઓલરાઉન્ડર

Samachar Viswa

એક ટિપ્પણી મૂકો