Latest News
Image default
Latest News

રિઝર્વ બેંકે રેપો રેચ 0.50 વધારતાં તમામ લોન મોંઘી થશે

નવી દિલ્હી

ભારતમાં નીચા વ્યાજદરની સાઈકલ પૂરી થઈ હોય તેમ લાગે છે. રિઝર્વ બેન્ક રેપો રેટ માં સતત વધારો કરતી જાય છે જેના કારણે હોમ લોન અને તમામ પ્રકારની બીજી લોન મોંઘી થશે. જોકે, તેની સાથે સાથે ડિપોઝિટના રેટ પણ વધશે. આરબીઆઈએ આજે અપેક્ષા પ્રમાણે જ રેપો રેટમાં 0.50 ટકાનો વધારો કર્યો છે. આ સાથે હવે રેપો રેટ 5.40 થયો છે. રિઝર્વ બેન્કના ગવર્નર શક્તિકાંતા દાસે જણાવ્યું કે રેટ નક્કી કરતી મોનેટરી પોલિસી કમિટી (એમપીસી)એ જીડીપીના ગ્રોથનો અંદાજ જાળવી રાખ્યો છે. આજે રેટમાં અડધા ટકાના વધારા સાથે જ હવે દેશમાં રેપો રેટ કોવિડ પહેલાના સ્તરે પહોંચી ગયો છે. રિઝર્વ બેન્કે ચાલુ વર્ષમાં 7.2 ટકા જીડીપી ગ્રોથનો અંદાજ આપ્યો છે.

રેપો રેટમાં વધારા પછી US ડોલર સામે રૂપિયો 37 પૈસા વધ્યો હતો અને ડોલરનો ભાવ રૂ. 79.10 થયો હતો. રૂપિયાની નબળાઈ અંગે વાત કરતા RBIના ગવર્નરે કહ્યું કે એક્સચેન્જ રેટમાં વોલેટિલિટી રોકવા માટે ફોરેન એક્સચેન્જના પગલાં લેવામાં આવ્યા છે. તેમણે કહ્યું કે આગામી સમયમાં ખાદ્યતેલના ભાવ ઘટશે જેથી મોંઘવારીમાં થોડી રાહત મળશે.
રેપો રેટ વધારીને 5.40 ટકા કરવામાં આવ્યા પછી 10 વર્ષના બોન્ડ પરની યીલ્ડ 7 બેસિસ પોઈન્ટ વધીને 7.23 ટકા થઈ હતી. RBIએ જણાવ્યું કે ડોલર સામે રૂપિયો નરમ પડ્યો છે, પરંતુ આ ઘટાડો નિયંત્રિત છે. બીજા એશિયન ચલણોની તુલનામાં રૂપિયાએ ઘણો સારો દેખાવ કર્યો છે. તેમણે દાવો કર્યો કે ભારતીય રૂપિયો નબળો પડ્યો તેના કરતા અમેરિકન ડોલર વધુ મજબૂત બન્યો તેમ કહી શકાય. હાલમાં ડોમેસ્ટિક માર્કેટમાં આર્થિક પ્રવૃત્તિ વિસ્તરી રહી હોવાના સંકેત છે. બેન્ક ક્રેડિટ ગ્રોથ એક વર્ષ અગાઉ 5.5 ટકા હતો જે વધીને 14 ટકા થયો છે.
કોરોના અંકુશમાં આવ્યા પછી ત્રીજી વખત રેપો રેટમાં વધારો કરવામાં આવ્યો છે. ફુગાવાને અંકુશમાં રાખવા માટે આ પગલું અનિવાર્ય હતું. શક્તિકાંતા દાસે જણાવ્યું કે ભારત બિલ પેમેન્ટ સિસ્ટમ ભારતમાં નોન રેસિડન્ટ ઈન્ડિયન્સને બિલ ચુકવવા માટે સુવિધા આપવામાં આવશે. આ ઉપરાંત સિનિયર સિટિઝન્સને મદદ મળશે. એક્સપર્ટ્સના કહેવા પ્રમાણે આરબીઆઈ દ્વારા રેટમાં વધારો જારી રહેશે અને ડિસેમ્બર 2022 સુધીમાં રેપો રેટ વધીને 5.75 ટકા થવાની શક્યતા છે.

સંબંધિત પોસ્ટ્સ

સેન્સેક્સમાં 16 અને નિફ્ટીમાં 18 પોઈન્ટનો સામાન્ય ઊછાળો

Samachar Viswa

દેશની વેપાર ખાદ્ય જુલાઈમાં 1.02 અબજ ડોલરના નવો રેકોર્ડ ઉચ્ચતમ સ્તરે

Samachar Viswa

કોંગ્રેસનો કચરો પક્ષમાં નથી લાવવોઃ કેજરીવાલ

Samachar Viswa

એક ટિપ્પણી મૂકો