Latest News
Image default
રાષ્ટ્રીય

મહારાષ્ટ્રમાં કોલસાની ખાણની ફાળવણીમાં કૌભાંડ કેસમાં પૂર્વ કોલસા સચિવ ગુપ્તાને ત્રણ વર્ષની કેદ

નવી દિલ્હી

દિલ્હીની એક કોર્ટે મહારાષ્ટ્રમાં કોલસાની ખાણની ફાળવણીમાં ગેરરીતિ સંબંધિત કેસમાં ભૂતપૂર્વ કોલસા સચિવ એચસી ગુપ્તાને ત્રણ વર્ષની જેલની સજા ફટકારી છે.

સ્પેશયલ જજ અરુણ ભારદ્વાજે કોલસા વિભાગના પૂર્વ સંયુક્ત સચિવ કેએસ ક્રોફાને પણ બે વર્ષની જેલની સજા સંભળાવી છે અને તેમના પર 50,000 રૂપિયાનો દંડ લાદ્યો છે. સજાની સાથે ગુપ્તાને 1 લાખ રૂપિયાનો દંડ પણ ફટકારવામાં આવ્યો છે.

લોહારા ઈસ્ટ કોલ માઈનની ફાળવણી સંબંધિત કેસમાં કોર્ટે બંનેને ગુનાહિત કાવતરું, છેતરપિંડી અને ભ્રષ્ટાચાર માટે દોષિત ઠેરવ્યા હતા. આ દરમિયાન કોર્ટે દોષિત કંપની ગ્રેસ ઇન્ડસ્ટ્રીઝ લિમિટેડ (જીઆઈએલ)ના ડિરેક્ટર મુકેશ ગુપ્તાને ગુનાહિત કાવતરા અને છેતરપિંડી માટે ચાર વર્ષની જેલની સજા ફટકારી છે અને તેમના પર 2 લાખ રૂપિયાનો દંડ પણ ફટકાર્યો છે. સાથે જ કંપનીને 2 લાખ રૂપિયાનો અલગથી દંડ ભરવાનો પણ નિર્દેશ આપવામાં આવ્યો છે.

એચસી ગુપ્તાને અગાઉ કોલસા કૌભાંડના અન્ય ત્રણ કેસમાં પણ દોષિત ઠેરવવામાં આવ્યા હતા. આ કેસોમાં સજા વિરુદ્ધ ગુપ્તા દ્વારા દાખલ કરવામાં આવેલી અરજી દિલ્હી હાઈકોર્ટમાં હાલ પેન્ડિંગ છે અને ગુપ્તા હાલ જેલમાં છે.

સેન્ટ્રલ બ્યુરો ઓફ ઈન્વેસ્ટિગેશન (સીબીઆઈ) અનુસાર 2005થી 2011 વચ્ચે આરોપીએ ભારત સરકાર વિરુદ્ધ ગુનાહિત કાવતરું ઘડ્યું હતું. સીબીઆઈએ એમ પણ કહ્યું કે કંપનીએ તેની અરજીમાં કુલ રૂ. 120 કરોડની આવકનો દાવો કર્યો હતો, જ્યારે તેની કુલ આવક માત્ર રૂ. 3.3 કરોડ હતી. સુપ્રીમ કોર્ટે 25 ઓગસ્ટ, 2014ના રોજ કોલસાની ખાણો માટેની તમામ ફાળવણી રદ કરી હતી.

સંબંધિત પોસ્ટ્સ

દુમકા અંકિતા હત્યા કેસમાં મહિલા આયોગની ટીમ તપાસ કરી રિપોર્ટ આપશે

Samachar Viswa

ધાર્મિક ગ્રંથોમાં છુપાવીને નકલી પાસપોર્ટ યુકે મોકલવાનું કૌભાંડ

Samachar Viswa

ફડનવીસનોની શિવસેનાને પડકાર, ગાંધી પરિવાર પાસેથી બાળાસાહેબનું સન્માન કરાવી બતાવો

Samachar Viswa

એક ટિપ્પણી મૂકો