ભારતના સુંદર સિંહ ગુર્જરે પુરુષોની ભાલા ફેંક-એફ46 ફાઇનલમાં ગોલ્ડ જીત્યો

ભારત આ ઇવેન્ટમાં 1-2-3 થી જીત મેળવીને પોડિયમ સ્વીપ કરવામાં સફળ રહ્યું

હાંગઝોઉ
એશિયન પેરા ગેમ્સમાં ભારતીય એથ્લેટ્સ શાનદાર દેખાવ કરી રહ્યા છે. ભારતના સુંદર સિંહ ગુર્જરે બુધવારે ચીનના હાંગઝોઉમાં એશિયન પેરા ગેમ્સમાં પુરુષોની ભાલા ફેંક-એફ46 ફાઇનલમાં ગોલ્ડ જીતવા માટે વર્લ્ડ રેકોર્ડ તોડ્યો હતો. સુંદરના 68.60 મીટર થ્રોએ તેના છઠ્ઠા અને અંતિમ પ્રયાસમાં શ્રીલંકાના દિનેશ પ્રિયંતાનો 67.79નો અગાઉનો વર્લ્ડ રેકોર્ડ તોડી નાખ્યો હતો. ભારતીયોના થ્રોએ ગેમ્સ અને એશિયન રેકોર્ડને પણ પાછળ છોડી દીધા.
ભારત આ ઇવેન્ટમાં 1-2-3 થી જીત મેળવીને પોડિયમ સ્વીપ કરવામાં સફળ રહ્યું હતું. રિંકુ અને અજીત સિંહે પણ ગેમ્સ રેકોર્ડ તોડ્યો હતો પરંતુ સિલ્વર અને બ્રોન્ઝ જીતવા માટે તેઓ માત્ર 67.08 મીટર અને 63.52 ફેંકવામાં સફળ રહ્યા હતા.
ઓલિમ્પિક અને વિશ્વ ચેમ્પિયન રહેલા સુમિત એંટિલે સફળતાપૂર્વક પોતાના ગોલ્ડ મેડલનો બચાવ કર્યો હતો જ્યારે પુરુષોની જેવલિન એફ64 ઇવેન્ટમાં પોતાનો વર્લ્ડ રેકોર્ડ પણ સુધાર્યો હતો. 66.22 મીટરના તેના પ્રથમ થ્રો સાથે, સુમિતે સરળતાથી 56.29 મીટરનો ગેમ્સ રેકોર્ડ તોડી નાખ્યો જે તેણે 2018માં જકાર્તામાં બનાવ્યો હતો. તેનો બીજો થ્રો 70.48 મીટરમાં માપવામાં આવ્યો હતો, જે તેણે આ વર્ષની શરૂઆતમાં પેરિસમાં વર્લ્ડ પેરા એથ્લેટિક્સ ચેમ્પિયનશિપમાં હાંસલ કરેલા 70.83 મીટરના વિશ્વ વિક્રમ માર્કથી થોડો ઓછો હતો. જો કે, આખરે તેણે તેના ત્રીજા પ્રયાસમાં 73.29 મીટરના જંગી થ્રો રેકોર્ડ બનાવ્યો હતો.