જુનિયર ચેસમાં ઓપનમાં અદિરેડ્ડી અર્જુન અને ગર્લ્સમાં શુભી ગુપ્તા ચેમ્પિયન

52મી રાષ્ટ્રીય જુનિયર (અંડર-19) અને 37મી નેશનલ જુનિયર (અંડર-19) ગર્લ્સ ચેસ ચેમ્પિયનશિપ 2023માં ઓપનમાં અદિરેડ્ડી અર્જુન (તેલંગાણા) અને ગર્લ્સ કેટેગરીમાં શુભી ગુપ્તા (યુપી) ચેમ્પિયનશિપનો ખિતાબ જીત્યો. સ્પર્ધા 20 થી 28 સપ્ટેમ્બર, 2023 દરમિયાન કર્ણાવતી ક્લબ, એસ.જી. હાઈવે, અમદાવાદ ખાતે યોજાઈ હતી.

ટૂર્નામેન્ટનો 11મો અને અંતિમ રાઉન્ડ પૂરો થયા બાદ તેલંગાણાના અદિરેડ્ડી અર્જુને સ્થાનિક ગુજરાતના છોકરા કર્તવ્ય અનાડકટને હરાવીને 10 અંક સાથે ચેમ્પિયનશિપનો ખિતાબ જીત્યો. તમિલનાડુનો મનીષ એન્ટો ક્રિસ્ટિયાનો 9 પોઈન્ટ સાથે બીજા ક્રમે જ્યારે રાજસ્થાનનો યશ ભરાડિયા અનુક્રમે 8.5 પોઈન્ટ સાથે ત્રીજા ક્રમે રહ્યો.

ગર્લ્સ કેટેગરીમાં ઉત્તર પ્રદેશની શુભી ગુપ્તાએ અંતિમ રાઉન્ડમાં મહારાષ્ટ્રની ભાગ્યશ્રી પાટીલને હરાવીને 9.5 અંક સાથે ચેમ્પિયનશિપનો ખિતાબ જીત્યો હતો. મહારાષ્ટ્રની ધનશ્રી ખૈરમોડે 9 અંક સાથે બીજા સ્થાને જ્યારે પશ્ચિમ બંગાળની સ્નેહા હલદર 8.5 અંક સાથે અનુક્રમે ત્રીજા સ્થાને રહી હતી.

બીજી તરફ ગુજરાતનો સ્થાનિક છોકરો કર્તવ્ય અનાડકટ ફાઇનલ રાઉન્ડમાં અદિરેડ્ડી અર્જુન (તેલંગાણા) સાથે હારી ગયો અને 8 પોઇન્ટના સ્કોર સાથે 8મા સ્થાને રહ્યો. ગુજરાતના અન્ય છોકરાઓ ધ્યેય અગ્રવાલ અને વૃંદેશ પારેખ 7.5 પોઇન્ટના સ્કોર સાથે અનુક્રમે 14મા અને 17મા ક્રમે રહ્યા હતા. દરેક કેટેગરીમાં ટોચના વીસ વિજેતાઓને ટ્રોફી સાથે રૂ. 10 લાખનું રોકડ ઇનામ આપવામાં આવ્યું હતું.આ પ્રતિષ્ઠિત રાષ્ટ્રીય ટુર્નામેન્ટમાં ભારતના વિવિધ રાજ્યોમાંથી કુલ 358 ખેલાડીઓએ ભાગ લીધો હતો.