શેરબજારના ટોપ ગેઇનર્સમાં સન ફાર્મા 3 ટકાના ઉછાળા સાથે, ટેક મહિન્દ્રા 2.5 ટકાના વધારા સાથે બંધ થયા હતા, જ્યારે સિપ્લા અને ટાટા મોટર્સના શેર પણ વધારા સાથે બંધ થવામાં સફળ રહ્યા
મુંબઈ
શેરબજાર ગુરુવારે નબળા નોટ પર સમાપ્ત થયું. દિવસના ટ્રેડિંગમાં બીએસઈ સેન્સેક્સમાં ઘણો ઉતાર-ચઢાવ જોવા મળ્યો હતો પરંતુ ટ્રેડિંગના અંતે બીએસઈ સેન્સેક્સ 314 પોઈન્ટના ઘટાડા સાથે 71,186ના સ્તરે બંધ થવામાં સફળ રહ્યો હતો. નેશનલ સ્ટોક એક્સચેન્જનો નિફ્ટી 93 પોઈન્ટના ઘટાડા સાથે 21,479ની સપાટીએ બંધ રહ્યો હતો. ગુરુવારે, નિફ્ટી મિડ કેપ 100, નિફ્ટી આઈટી અને નિફ્ટી બેન્ક ઈન્ડેક્સમાં નબળાઈ નોંધાઈ હતી જ્યારે બીએસઈ સ્મોલ કેપ ઈન્ડેક્સ નજીવા વધારા સાથે બંધ થવામાં સફળ રહ્યો હતો.
શેરબજારના ટોપ ગેઇનર્સમાં સન ફાર્મા 3 ટકાના ઉછાળા સાથે, ટેક મહિન્દ્રા 2.5 ટકાના વધારા સાથે બંધ થયા હતા, જ્યારે સિપ્લા અને ટાટા મોટર્સના શેર પણ વધારા સાથે બંધ થવામાં સફળ રહ્યા હતા.
ગુરુવારે, એલટીઆઈ માઇન્ડ ટ્રીના શેરમાં 11 ટકાનો ઘટાડો નોંધાયો હતો જ્યારે એચડીએફસી બેન્ક અને એનટીપીસી ત્રણ ટકાના ઘટાડા સાથે બંધ થયા હતા. એશિયન પેઈન્ટ્સના શેરમાં બે ટકાથી વધુની નબળાઈ નોંધાઈ છે.
એક્સિસ બેંક, મહિન્દ્રા અને એપોલો હોસ્પિટલના શેર પણ શેરબજારના ટોપ ગેનર્સની યાદીમાં સામેલ થયા છે, જ્યારે ટાઈટન, પાવર ગ્રીડ અને ઈન્ડસઈન્ડ બેંકના શેર પણ ટોપ લુઝર્સમાં સામેલ થયા છે.
શેરબજારમાં ચાલી રહેલી નબળાઈ વચ્ચે ઓરેકલ, ફિલિપ્સ કાર્બન, શોભા, વૈભવ ગ્લોબલ, એપ્ટસ વેલ્યુ હાઉસિંગ, એપોલો ટાયર્સ અને વેલસ્પન કોર્પના શેર 52 સપ્તાહની ટોચે પહોંચી ગયા છે. વીઆઈપી ઈન્ડસ્ટ્રીઝના શેર 52 સપ્તાહના સૌથી નીચા સ્તરે પહોંચી ગયા છે.
શેરબજારના રોકાણકારોને મલ્ટિબેગર રિટર્ન આપતી કંપનીઓ વિશે વાત કરીએ તો, કામધેનુ લિમિટેડના શેરમાં 10 ટકાનો વધારો નોંધાયો છે. બ્રાન્ડ કોન્સેપ્ટ, એન્જિનિયર્સ ઈન્ડિયા લિમિટેડ, ટાટા મોટર્સ, યુનિ પાર્ટ્સ, ઓએનજીસી, આઈસીઆઈસીઆઈ બેંક, જિયો ફાઈનાન્શિયલ, એક્સાઈડ ઈન્ડસ્ટ્રીઝ, એચડીએફસી લાઈફ અને કોટક મહિન્દ્રા બેંકના શેરમાં વધારો થયો હતો જ્યારે ઓમ ઈન્ફ્રા, ગ્લોબસ સ્પિરિટ, એનએમડીસી લિમિટેડ, નેસ્લે ઈન્ડિયામાં નબળાઈ નોંધાઈ હતી. દેવયાની ઇન્ટરનેશનલ, સ્ટોવ ક્રાફ્ટ અને આઈસીઆઈસીઆઈ પ્રુડેન્શિયલ લાઇફ ઇન્શ્યોરન્સના શેરમાં.
ગૌતમ અદાણી ગ્રુપની 10 લિસ્ટેડ કંપનીઓમાંથી પાંચના શેરમાં થોડો વધારો જોવા મળ્યો હતો જ્યારે પાંચના શેરમાં નબળાઈ જોવા મળી હતી. અદાણી પાવર 1.63 ટકાના વધારા સાથે બંધ રહ્યો હતો જ્યારે અદાણી એનર્જી સોલ્યુશન બે ટકાની નબળાઈ સાથે બંધ રહ્યો હતો.
