કેટલાક સ્થળોએ ભારે પવન સાથે કરા પડી શકે છે, જેના માટે હવામાન વિભાગે ઓરેન્જ એલર્ટ જાહેર કર્યું
નવી દિલ્હી
દેશની રાજધાની સહિત અનેક રાજ્યોમાં હવામાનનો મિજાજ બદલાતા વાતાવરણમાં ફરી એકવાર પલટો જોવા મળી રહ્યો છે. રેડ એલર્ટ વચ્ચે સોમવારે જમ્મુ-કાશ્મીર, લદ્દાખ અને હિમાચલ પ્રદેશના પહાડી વિસ્તારોમાં પર દિવસભર ભારે હિમવર્ષા થઈ હતી તેમજ મેદાની વિસ્તારોમાં પણ મુશળધાર વરસાદ પડ્યો હતો. પંજાબ અને ઉત્તરાખંડના મોટાભાગના વિસ્તારોમાં પણ વરસાદ અને ગાજવીજ સાથે વરસાદ પડ્યો હતો.
આ ઉપરાંત પશ્ચિમ અને પૂર્વ રાજસ્થાન અને પશ્ચિમ ઉત્તર પ્રદેશના કેટલાક વિસ્તારોમાં ભારે પવન ફૂંકાયો હતો અને કેટલાક સ્થળોએ વાદળછાયું રહ્યું હતું. આગામી બે દિવસ સુધી આવી જ સ્થિતિ આગામી યથાવત રહેવાની સંભાવના છે. આજે પંજાબ, હરિયાણા, ઉત્તરાખંડ અને પશ્ચિમ ઉત્તર પ્રદેશમાં કેટલાક સ્થળોએ વરસાદ થઈ શકે છે, અને કેટલાક સ્થળોએ ભારે પવન સાથે કરા પડી શકે છે, જેના માટે હવામાન વિભાગે ઓરેન્જ એલર્ટ જાહેર કર્યું છે.
હિમાચલના ઘણા વિસ્તારોમાં હિમપાત થવાનો ખતરો છે. રાજધાની શિમલા અને ધર્મશાલા સહિત રાજ્યના મોટાભાગના નીચાણવાળા વિસ્તારોમાં સોમવારે બપોરે 40 થી 50 કિલોમીટર પ્રતિ કલાકની ઝડપે પવન સાથે તોફાન આવ્યું હતું. મનાલીમાં હિમવર્ષા થઈ હતી. આ કારણે નહેરુ કુંડમાં ટ્રાફિક જામ થઈ ગયો હતો. કાંગડા જિલ્લામાં ધૌલાધર પહાડીઓ પર પણ હિમવર્ષા થઈ છે. ચંબા, કુલ્લુ અને શિમલા જિલ્લામાં પણ ઘણી જગ્યાએ વરસાદ થયો હતો.
હવામાન વિભાગે આજે શિમલમાં ભારે વરસાદ અને હિમવર્ષા માટે ઓરેન્જ એલર્ટ જાહેર કર્યું છે, જ્યારે બુધવાર માટે યલો એલર્ટ જાહેર કરવામાં આવ્યું છે. આ ઉપરાંત રાજ્યમાં 22 ફેબ્રુઆરી સુધી હવામાન ખરાબ રહેવાની આગાહી કરવામાં આવી છે. 23 અને 24 ફેબ્રુઆરીએ કિન્નૌર, લાહૌલ-સ્પીતિ સહિત ચંબા, કુલ્લુ, શિમલા, મંડી અને કાંગડાના ઊંચાઈવાળા વિસ્તારોમાં વરસાદ અને હિમવર્ષા થવાની સંભાવના છે.
