ચાઇનીઝ પેડલર ફેન સિકકી, વર્લ્ડ નંબર 13 બર્નાડેટ ઝોક્સ યુટીટી સીઝન 6 પ્લેયર ઓક્શનમાં રાઇઝિંગ  ઇન્ડિયન સ્ટાર્સમાં જોડાયા

બે વખતના યુટીટી ચેમ્પિયન હરમીત દેસાઈ, એશિયાડ મેડલ વિજેતા મનિકા બત્રા ભારતીય ખેલાડીઓના પૂલમાં આગેવાની કરે છે

નવી દિલ્હી

 ચાઇનીઝ પેડલર ફેન સિકકી, વર્લ્ડ નંબર 13 બર્નાડેટ ઝોક્સ, ઓલિમ્પિયન્સ અરુણા ક્વાડ્રી અને અલ્વારો રોબલ્સ, અને જુનિયર વર્લ્ડ નંબર 6 અંકુર ભટ્ટાચાર્યજીની આગેવાની હેઠળના કેટલાક ઉભરતા ભારતીય પેડલર્સ, 15 એપ્રિલ, મંગળવારે મુંબઇમાં યોજાનારી અલ્ટિમેટ ટેબલ ટેનિસ સિઝન 6 પ્લેયર હરાજીમાં મુખ્ય આકર્ષણ રહેશે. યુટીટીના ઇતિહાસમાં પ્રથમ વખત, ટીમ રોસ્ટર્સને એક અનોખી ખેલાડીની હરાજી દ્વારા આકાર આપવામાં આવશે, જે ફ્રેન્ચાઇઝીઓને તેમની ભરતી અને વ્યૂહરચના પર વધુ નિયંત્રણ આપશે.

હરાજીના પૂલમાં રહેલા 56 ખેલાડીઓમાં, યુવા ખેલાડીઓ દિયા ચિત્તાલે અને યશસ્વિની ઘોરપડે—ભારતની ટોચની ક્રમાંકિત મહિલા સિંગલ્સ ખેલાડીઓ—ટીનેજ સનસનાટી સિન્ડ્રેલા દાસ, અને ભૂતપૂર્વ અંડર-17 વર્લ્ડ નંબર 1 પાયસ જૈન 25 વર્ષથી ઓછી ઉંમરના 25 રાઇઝિંગ ભારતીય સ્ટાર્સના જૂથનું નેતૃત્વ કરે છે, જેમણે બે વખતના ચેમ્પિયન હરમીત દેસાઈ, ભૂતપૂર્વ વિજેતાઓ સાથિયાન જ્ઞાનસેકરન, મનિકા બત્રા, સુતીર્થા મુખર્જી અને WTT કન્ટેન્ડર લાગોસ 2024ની વિજેતા શ્રીજા અકુલા જેવા અનુભવી ખેલાડીઓની સાથે પોતાનું સ્થાન મેળવ્યું છે. તમામ આઠ ટીમોને ખેલાડીઓ પર બોલી લગાવવા માટે 50 લાખ વર્ચ્યુઅલ ટોકન્સ ફાળવવામાં આવ્યા છે, સાથે સાથે અગાઉની સિઝનના ખેલાડીને અંતિમ બિડ પ્રાઇસ સાથે રિટેન કરવા માટે માટે વન ટાઈમ રાઇટ ટુ મેચ (RTM) કાર્ડ પણ ફાળવવામાં આવ્યું છે.

ટેબલ ટેનિસ ફેડરેશન ઓફ ઈન્ડિયાના નેજા હેઠળ નિરજ બજાજ અને વીટા દાણી દ્વારા પ્રમોટ કરવામાં આવેલી ફ્રેન્ચાઈઝી આધારિત લીગ તારીખ 29મી મે થી 15મી જુન દરમિયાન અમદાવાદના એકા અરેના ખાતે યોજાશે. પ્લેયર્સ પૂલ અંગે ટિપ્પણી કરતાં તેઓએ જણાવ્યું હતું કે, “યુટીટી સિઝન 6નો હરાજી પૂલ દર્શાવે છે કે છેલ્લા પાંચ વર્ષમાં ભારતમાં ટેબલ ટેનિસે કેટલી પ્રગતિ કરી છે.. અનુભવી ભારતીય અને આંતરરાષ્ટ્રીય સ્ટાર્સની સાથે 25 વર્ષથી ઓછી ઉંમરના 25 ખેલાડીઓએ પૂલમાં સ્થાન મેળવ્યું છે, તે સ્પષ્ટ છે કે આગામી પેઢી પહેલેથી જ ટેબલ પર આગળ વધી રહી છે. ભારતના ઓલિમ્પિક 2036ના સ્વપ્નના હાર્દમાં આવેલા શહેર અમદાવાદમાં આ લીગનું આયોજન કરવું યોગ્ય લાગે છે, કારણ કે યુટીટી દેશના દરેક ખૂણામાં ટોચના સ્તરના ટેબલ ટેનિસને લાવવાનું બંધનકર્તા બળ બની રહ્યું છે.”

યુટીટી સીઝન ૬ ની હરાજીમાં ભાગ લેનારા ૧૬ વિદેશી પેડલર્સમાંથી ૧૨ ઓલિમ્પિયન છે. પાછલી સીઝનથી પરત ફરનારાઓમાં યુટીટી સીઝન ૨ ચેમ્પિયન એડ્રિયાના ડિયાઝ અને સ્પે સ્પેનની મારિયા ઝિયાઓનો સમાવેશ થાય છે. પદાર્પણમાં બ્રિટ ઇરલેન્ડ, દિના મેશરેફ, ઝેંગ જિયાન અને જ્યોર્જિયા પિક્કોલિનનો સમાવેશ થાય છે. ફ્રાંસના લિલિયન બાર્ડેટ, જેમણે ગત સિઝનમાં તેની પ્રથમ સિઝનમાં પ્રભાવિત કર્યા હતા જ્યારે ભૂતપૂર્વ યુટીટી ચેમ્પિયન ટિયાગો એપોલોનિયા અને કિરીલ ગેરાસિમેન્કો અનુભવ ઉમેરશે. કનક ઝા, રિકાર્ડો વોલ્થર, અને ઈઝાક ક્વેક પહેલી વખત પ્લેયર પૂલમાં પ્રવેશી રહ્યા છે.

દરમિયાન, ભારતીય ટુકડી ઉભરતા સ્ટાર્સથી ભરેલી છે, જેમાં વર્લ્ડ યુથ ચેમ્પિયનશિપના મેડાલીસ્ટ તનીશા કોટેચા, સુહાના સૈની, અને સયાલી વાની, એશિયન ચેમ્પિયનશિપના મેડાલીસ્ટ સરથ મિશ્રા, જેનિફર વર્ગીઝ, અભિનંદ પીબી, અને દીપિત પાટિલ જેવા ઉભરતા પ્રતિભાઓનો સમાવેશ થાય છે, જેઓ સિનિયર વરિષ્ઠ ખેલાડીઓ સાથે ખભાથી ખભો મિલાવવા માટે ઉત્સુક છે.

ખેલાડીઓને ચાર બેઝ પ્રાઈઝ કેટેગરીમાં વિભાજિત કરવામાં આવશે – પૂલ એ (11 લાખ ટોકન), પૂલ બી (7 લાખ), પૂલ સી (4 લાખ), અને પૂલ ડી (2 લાખ). બિડિંગ 10,000 ટોકન્સના વધારા સાથે માળખાગત ફોર્મેટને અનુસરશે, જે સ્પર્ધાત્મક અને વ્યૂહાત્મક પસંદગી પ્રક્રિયાને સુનિશ્ચિત કરશે કારણ કે ટીમો યુટીટી સીઝન 6 માટે તેમની ટીમ બનાવે છે.

અલ્ટિમેટ ટેબલ ટેનિસ સિઝન 6 હરાજી પૂલ:

પૂલ એ (11 લાખ ટોકન્સ): અલ્વારો રોબલ્સ (સ્પેન), કનક ઝા (યુનાઇટેડ સ્ટેટ્સ ઓફ અમેરિકા), કિરિલ ગેરાસિમેન્કો (કઝાકિસ્તાન), રિકાર્ડો વોલ્થર (જર્મની), ક્વાડ્રી અરુણા (નાઇજીરિયા), એડ્રિયાના ડિયાઝ (પ્યુર્ટો રિકો), બર્નાડેટ ઝોક્સ (રોમાનિયા), બ્રિટ ઇરલેન્ડ (નેધરલેન્ડ્સ), દિના મેશરેફ (ઇજિપ્ત), ફેન સિકી (ચીન), મનિકા બત્રા, શ્રીજા અકુલા

પૂલ બી (7 લાખ ટોકન્સ): લિલિયન બડેટ (ફ્રાન્સ), ટિયાગો એપોલોનિયા (પોર્ટુગલ), ક્વેક ઇઝાક (સિંગાપોર), જ્યોર્જિયા પિકકોલિન (ઇટાલી), મારિયા ઝિયાઓ (સ્પેન), ઝેંગ જિયાન (સિનાપોર), અંકુર ભટ્ટાચારજી, હરમીત દેસાઇ, સાથિયાન જ્ઞાનશેખરન, દિયા ચિતલે, સુતીર્થા મુખર્જી, સ્વસ્તિકા ઘોષ, યશસ્વિની ઘોરપડે

પૂલ સી (4 લાખ ટોકન્સ): આકાશ પાલ, અનિર્બાન ઘોષ, દિવ્યાંશ શ્રીવાસ્તવ, પાયાસ જૈન, રોનિત ભાંજા, સ્નેહીત સૂરજજુલા, અનુષા કુટુમ્બલે, કૃતિકા સિંહા રોય, મધુરિકા પાટકર, રીથ રિષ્યા, સિન્ડ્રેલા દાસ, તનીષા કોટેચા

પૂલ ડી (2 લાખ ટોકન): ચિન્મય સોમૈયા, દીપિત પાટિલ, જીત ચંદ્રા, મુદિત દાની, પીબી અભિનંદ, રેગન આલ્બુક્વેર્ક, રાજ મંડલ, સરથ મિશ્રા, સૌરવ સાહા, સુધાંશુ ગ્રોવર, યશંશ મલિક, અનન્યા ચંદે, જેનિફર વર્ગીઝ, નિખત બાનુ, પૃથા વર્તિકાર, સયાલી વાણી, સેલેના સેલેના સેલ્વકુમાર, સુહાના સૈની, યશિની શિવશંકર સહા.