દિલ્હી, મુંબઈ, અમદાવાદ સહિત પાંચ શહેરોથી હનોઈ અને હો ચી મિન્હ સિટી માટે સીધી ફ્લાઇટ્સ પર ખાસ ઓફર
મુંબઈ
વિયેતનામની એરલાઇન વિયેટજેટ દ્વારા ભારતીય પ્રવાસીઓ માટે ત્રણ દિવસનો ખાસ ‘9.9 સેલ’ શરૂ કરવામાં આવ્યો છે. આ ઓફર હેઠળ દિલ્હી, મુંબઈ, અમદાવાદ, હૈદરાબાદ અને બેંગલુરુથી વિયેતનામના મુખ્ય શહેરો હનોઈ અને હો ચી મિન્હ સિટી માટેની સીધી ફ્લાઇટ્સના ‘ઇકો’ ભાડા માત્ર ₹11 (ટેક્સ અને ફી સિવાય)થી શરૂ થશે. આ ઉપરાંત ‘ડિલક્સ’ બેઝ ફેર પર 22 ટકાનું ખાસ ડિસ્કાઉન્ટ પણ આપવામાં આવી રહ્યું છે.
10 સપ્ટેમ્બર સુધી બુકિંગની તક
વિયેટજેટની આ ખાસ સેલ ઓફર 7 સપ્ટેમ્બર, 2026ના રાત્રે 10:30 વાગ્યાથી 10 સપ્ટેમ્બર, 2026ના રાત્રે 9:30 વાગ્યા સુધી (IST) ઉપલબ્ધ રહેશે. મુસાફરો વિયેટજેટની વેબસાઇટ અથવા મોબાઇલ એપ્લિકેશન મારફતે ટિકિટ બુક કરીને સમગ્ર વિયેટજેટ નેટવર્ક પર સસ્તા ‘ઇકો’ ભાડાનો લાભ લઈ શકશે.
આંતરરાષ્ટ્રીય ફ્લાઇટ માટે મુસાફરો SALE99 પ્રોમો કોડનો ઉપયોગ કરીને ‘ડિલક્સ’ બેઝ ભાડા પર 22 ટકા ડિસ્કાઉન્ટ મેળવી શકશે. જોકે, ઓફર હેઠળ ભાડાની ઉપલબ્ધતા અને અન્ય શરતો લાગુ પડશે.
એક વર્ષ સુધીની મુસાફરી માટે ઓફર
આ સેલ હેઠળ બુક કરાયેલી ટિકિટો પર 10 સપ્ટેમ્બર, 2026થી 10 સપ્ટેમ્બર, 2027 દરમિયાન મુસાફરી કરી શકાશે. જોકે, કેટલીક ચોક્કસ તારીખો માટે બ્લેકઆઉટ લાગુ રહેશે. આ કારણે ભારતીય પ્રવાસીઓને આગામી એક વર્ષ દરમિયાન વિયેતનામ ઉપરાંત એશિયા અને અન્ય આંતરરાષ્ટ્રીય સ્થળોની મુસાફરીનું અગાઉથી આયોજન કરવાની તક મળશે.
વિયેટજેટના આંતરરાષ્ટ્રીય નેટવર્કમાં સતત વિસ્તરણ
વિયેટજેટ હાલમાં તેના આંતરરાષ્ટ્રીય નેટવર્કને ઝડપથી વિસ્તારી રહી છે. આગામી ઓક્ટોબરમાં એરલાઇન હનોઈથી અલ્માટી અને પ્રાગ માટે નવી ફ્લાઇટ સેવાઓ શરૂ કરવાની યોજના ધરાવે છે. આ રૂટ્સ શરૂ થતાં મધ્ય એશિયા અને યુરોપમાં વિયેટજેટની હાજરી વધુ મજબૂત બનશે.
આ ઉપરાંત વર્ષના અંત સુધીમાં અનેક નવા રૂટ શરૂ કરવાની જાહેરાત કરવામાં આવી છે. તેમાં હનોઈથી તૈનાન અને સેબુ, હો ચી મિન્હ સિટીથી સેબુ, ક્લાર્ક અને ચિયાંગ માઈ, નહા ત્રાંગથી સિંગાપોર અને ડા નાંગથી ઓસાકા સુધીની સેવાઓનો સમાવેશ થાય છે.
સિડની માટે પણ નવી ફ્લાઇટ
વિયેટજેટ જાન્યુઆરી 2027માં હો ચી મિન્હ સિટી અને સિડની વચ્ચે નવી સેવા શરૂ કરશે. આ ફ્લાઇટ વેસ્ટર્ન સિડની ઇન્ટરનેશનલ એરપોર્ટ મારફતે સંચાલિત થવાની છે. નવા રૂટ્સના ઉમેરાથી ભારતીય અને અન્ય આંતરરાષ્ટ્રીય પ્રવાસીઓ માટે વિયેતનામ મારફતે વિવિધ વૈશ્વિક સ્થળો સુધી પહોંચવાનું વધુ સરળ બનશે.
મુસાફરોને મળશે વિયેતનામી ભોજનનો સ્વાદ
વિયેટજેટ પોતાના આધુનિક અને ઇંધણ-કાર્યક્ષમ વિમાન કાફલા ઉપરાંત કેબિન ક્રૂની સેવાઓ અને ભોજન માટે પણ ઓળખાય છે. મુસાફરોને ફ્લાઇટ દરમિયાન ફો, બાન્હ મી અને વિયેતનામીસ આઈસ્ડ મિલ્ક કોફી જેવી લોકપ્રિય વાનગીઓનો સ્વાદ માણવાની તક મળે છે. સાથે જ આંતરરાષ્ટ્રીય ભોજનના વિકલ્પો અને સાંસ્કૃતિક-મનોરંજન કાર્યક્રમો મુસાફરીને વધુ આનંદદાયક બનાવે છે.
