સલમાન મારી નફરતને પણ લાયક નથીઃ સિંગર અભિજિત ભટ્ટાચાર્ય

સલમાન તેની સદ્ભાવનાને કારણે જ સફળ થયો છે, તે ભગવાન નથી અને તેણે પોતાને એવો માનવો જોઈએ નહીઃ સિંગર

મુંબઈ

સિંગર અભિજીત ભટ્ટાચાર્યએ પોતાની કરિયરમાં ઘણા હિટ ગીતો આપ્યા છે. આજે પણ અભિજીતના અવાજના ચાહકો દીવાના છે. સિંગરે 1000 ફિલ્મોમાં 6034 ગીતો ગાયા છે. આ ગાયકે શાહરૂખ ખાનથી લઈને સલમાન ખાન સુધી બધા માટે ગીતો ગાયા છે. થોડા દિવસ પહેલાં શાહરૂખ વિશે વાત કર્યા બાદ અભિજીતે હવે સલમાન વિશે કહ્યું કે તે મારી નફરતને પણ લાયક નથી. 

એક વાતચીતમાં અભિજીતને સલમાન ખાન સાથેના તેના સમીકરણ વિશે પૂછવામાં આવ્યું હતું અને તેઓએ કહ્યું કે, સલમાન તેની સદ્ભાવનાને કારણે જ સફળ થયો છે, તે ભગવાન નથી અને તેણે પોતાને એવો માનવો જોઈએ નહીં. 

અભિજીતે વધુમાં કહ્યું કે તેણે ક્યારેય સલમાનના સમર્થનમાં ટ્વિટ કર્યું નથી. તેઓએ કહ્યું, લોકો કેવી રીતે વિચારી શકે છે કે હું સલમાન ખાન જેવા વ્યક્તિનું સમર્થન કરી શકું જે ફક્ત દુશ્મન દેશના કલાકારોને પ્રોત્સાહન આપે છે. પાકિસ્તાન પ્રત્યે પોતાની વફાદારી દર્શાવવા માટે તેણે ઘણા મોટા ભારતીય ગાયકોને પાકિસ્તાની ગાયકો સાથે રિપ્લેસ કર્યા છે. 

અભિજીતે તે પાકિસ્તાની કલાકારોના નામ લીધા ન હતા જેમણે સલમાને પ્રમોટ કર્યા ન હતા પરંતુ રાહત ફતેહ અલી ખાનના સ્થાને અરિજીત સિંહનો સંદર્ભ લીધો હતો. તેઓએ કહ્યું કે, અરિજીત દેશનો શ્રેષ્ઠ ગાયક છે અને તેણે સલમાન પાસેથી કામની ભીખ માંગવાની જરૂર નહોતી.