ચેન્નાઈ સુપર કિંગ્સે પ્લેઓફની આશા જીવંત રાખી, રાજસ્થાન રોયલ્સને કારમી હાર આપી

નવી દિલ્હી

રુતુરાજ ગાયકવાડ (42*) અને બોલરોના ઉત્કૃષ્ટ પ્રદર્શનના જોરે, ચેન્નાઈ સુપર કિંગ્સે રવિવારે IPL 2024 ની 61મી મેચમાં રાજસ્થાન રોયલ્સને 10 બોલ બાકી રહેતા 5 વિકેટથી હરાવ્યું. આ જીત સાથે CSKએ પ્લેઓફમાં પહોંચવાની આશા જીવંત રાખી છે.

ચેન્નાઈના એમએ ચિદમ્બરમ સ્ટેડિયમમાં રમાયેલી મેચમાં રાજસ્થાન રોયલ્સે પ્રથમ બેટિંગ કરતા 20 ઓવરમાં 5 વિકેટ ગુમાવીને 141 રન બનાવ્યા હતા. જવાબમાં CSKએ 18.2 ઓવરમાં પાંચ વિકેટ ગુમાવીને લક્ષ્ય હાંસલ કરી લીધું હતું.

142 રનના ટાર્ગેટનો પીછો કરતા CSKને રચિન રવિન્દ્ર (27) અને કેપ્ટન રુતુરાજ ગાયકવાડ (42*) સાથે 32 રનની ભાગીદારી સાથે સ્થિર શરૂઆત મળી હતી. રવિચંદ્રન અશ્વિને પોતાના જ બોલ પર રવિન્દ્રનો કેચ કરીને CSKને પહેલો ઝટકો આપ્યો હતો. ત્યારબાદ રુતુરાજે ડેરીલ મિશેલ (22) સાથે બીજી વિકેટ માટે 35 રન જોડ્યા હતા. ચહલે મિશેલને LBW આઉટ કરીને CSKને બીજો ઝટકો આપ્યો હતો.

નાન્દ્રે બર્જરે મોઈન અલી (10)ને અવેશ ખાનના હાથે કેચ કરાવીને CSKને ત્રીજો ઝટકો આપ્યો હતો. ત્યારબાદ શિવમ દુબે (18)એ અશ્વિનને ઝૂડી નાખ્યો અને એક સિક્સ અને બે ફોર ફટકારી. પરંતુ છેલ્લા બોલ પર તે લોંગ ઓન પર રિયાન પરાગના હાથે કેચ આઉટ થતાં પેવેલિયન પરત ફર્યો હતો. રવીન્દ્ર જાડેજા (5) મેદાનમાં અવરોધ ઉભો કરવાને કારણે પેવેલિયન પરત ફર્યો હતો.

ત્યાર બાદ સમીર રિઝવી અને ગાયકવાડે ટીમને જીત તરફ દોરી હતા. રાજસ્થાન રોયલ્સ તરફથી રવિચંદ્રન અશ્વિને સૌથી વધુ બે વિકેટ ઝડપી હતી. નાન્દ્રે બર્જર અને યુઝવેન્દ્ર ચહલને એક-એક વિકેટ મળી હતી.

પ્રથમ બેટિંગ કરવા આવેલી રાજસ્થાન રોયલ્સે યશસ્વી જયસ્વાલ (24) અને જોસ બટલર (21)ની 43 રનની ભાગીદારીથી મજબૂત શરૂઆત કરી હતી. બંને બેટ્સમેન ક્રિઝ પર અસ્વસ્થતા અનુભવી રહ્યા હતા, જે સ્પષ્ટ દેખાઈ રહ્યું હતું. ત્યાર બાદ સિમરજીત સિંહે ડ્રીમ સ્પેલ બોલિંગ કરીને રાજસ્થાન રોયલ્સને બેકફૂટ પર લાવી દીધું હતું. સિંહે પહેલા યશસ્વી જયસ્વાલને રૂતુરાજ ગાયકવાડના હાથે કેચ આઉટ કરાવ્યો હતો.

ત્યારબાદ તેની આગામી ઓવરમાં સિંઘે જોસ બટલરને તુષાર દેશપાંડેના હાથે કેચ કરાવીને બીજી વિકેટ મેળવી હતી. સિમરજીત સિંહે સંજુ સેમસનને ગાયકવાડના હાથે કેચ આઉટ કરાવીને પોતાનો ત્રીજો શિકાર બનાવ્યો હતો. રોયલ્સના બેટ્સમેનો ઝડપી રન બનાવી શક્યા ન હતા. ત્યારબાદ રિયાન પરાગ (47*) અને ધ્રુવ જુરૈલ (28) એ ચાર્જ સંભાળ્યો.

બંનેએ રન રેટ થોડો વધાર્યો અને રાજસ્થાન રોયલ્સને સન્માનજનક સ્કોર સુધી લઈ ગયા. ત્યારબાદ તુષાર પાંડેએ જુરેલ અને શુભમ દુબે (0)ને આઉટ કર્યા હતા. રાજસ્થાનની ટીમ 141/5 રન બનાવી શકી હતી. ચેન્નાઈ સુપર કિંગ્સ માટે સિમરજીત સિંહે ત્રણ અને તુષાર દેશપાંડેએ બે વિકેટ ઝડપી હતી. ત્યારબાદ રિયાન પરાગ (47*) અને ધ્રુવ જુરૈલ (28) એ ચાર્જ સંભાળ્યો.