સુરક્ષા દળો સાથે એજન્સીની ટીમો બાંદીપોરા, કુલગામ, પુલવામા અને શોપિયાં પહોંચી
જમ્મુ
નેશનલ ઈન્વેસ્ટિગેશન એજન્સીએ આજે જમ્મુ-કશ્મીર ઘાટીમાં લગભગ છ સ્થળો પર દરોડા પાડ્યા હતા. સૂત્રોના જણાવ્યા અનુસાર, આ દરોડા આતંકવાદી ગતિવિધિ સાથે જોડાયેલા એક કેસની તપાસના સંદર્ભમાં કરવામાં આવ્યા છે. આજે સવારે સુરક્ષા દળો સાથે એજન્સીની ટીમો બાંદીપોરા, કુલગામ, પુલવામા અને શોપિયાં પહોંચી હતી. રાજ્યના આ ચાર જિલ્લામાં છ સ્થળોએ તપાસ કરવામાં આવી રહી છે.
અગાઉ મંગળવારે, રાજ્ય તપાસ એજન્સીએ શ્રીનગરમાં રાષ્ટ્રવિરોધી અને અલગતાવાદી પ્રવૃત્તિઓ માટે સોશિયલ મીડિયાના દુરુપયોગના સંબંધમાં ઘાટીના ચાર જિલ્લામાં છ સ્થળોએ દરોડા પાડ્યા હતા. જે વ્યક્તિઓ અને સંગઠનો વિરુદ્ધ કાર્યવાહી કરવામાં આવી હતી તે વિદેશી સહયોગીઓ સાથે મળીને ઘાટીમાં આતંકવાદ પ્રોત્સાહન આપવાની શંકા છે.
એસએઆઈઅધિકારીના જણાવ્યા અનુસાર, એજન્સીએ કુપવાડા, અનંતનાગ, પુલવામા અને શ્રીનગર જિલ્લામાં છ સ્થળોએ સર્ચ હાથ ધર્યું હતું. તપાસ એજન્સીએ સોશિયલ મીડિયા પર નફરત ફેલાવવા અને આતંકવાદી પ્રવૃત્તિઓને પ્રોત્સાહન આપવા માટે કેસ નોંધ્યો હતો. આ ઓળખાયેલી સંસ્થાઓ પર આતંકવાદ અને તેના સમર્થનનો પણ આરોપ છે.
