IGU પ્રતિનિધિમંડળે ‘ધ માસ્ટર્સ 2025’ની મુલાકાત લીધી, ભારતીય ગોલ્ફને પ્રોત્સાહન આપ્યું, વૈશ્વિક ભાગીદારીની માગ કરી

અમદાવાદ

ધ ઇન્ડિયન ગોલ્ફ યુનિયન (IGU)ના પ્રતિનિધિમંડળ અને કાઉન્સિલના સભ્યો શશાંક સંદુ અને સમીર સિંહાએ 7 થી 13 એપ્રિલ દરમિયાન પ્રતિષ્ઠિત ઓગસ્ટા નેશનલ ગોલ્ફ ક્લબ ખાતે આયોજિત ‘માસ્ટર્સ ટુર્નામેન્ટ 2025’માં ભાગ લીધો.

 અઠવાડિયા દરમિયાન, IGU પ્રતિનિધિમંડળે ભારતના ગોલ્ફ વિકાસ એજન્ડાની હિમાયત કરવા માટે આંતરરાષ્ટ્રીય ગોલ્ફ સમુદાયના પ્રભાવશાળી વ્યક્તિઓ અને વરિષ્ઠ અધિકારીઓ સાથે મુલાકાત કરી હતી. તેમની મુલાકાત ઇન્ડિયન ગોલ્ફ યુનિયન દ્વારા તેના વૈશ્વિક પદચિહ્નને વિસ્તૃત કરવા અને પાયાના સ્તરે વિકાસને વેગ આપવા માટે એક વ્યાપક પહેલનો ભાગ હતી

 IGU પ્રતિનિધિમંડળે એ રોલેક્સના CEO આર્નોડ લેબોર્ડેને મળ્યા અને ભારતમાં જુનિયર અને અમેચ્યોર ગોલ્ફને મજબૂત બનાવવા માટેના સંગઠનના પ્રયાસો રજૂ કર્યા. લેબોર્ડે પાયાના અભિગમની પ્રશંસા કરી અને ભવિષ્યના સમર્થનમાં રસ દર્શાવ્યો હતો.

 IGU પ્રતિનિધિમંડળે ઇન્ટરનેશનલ ગોલ્ફ ફેડરેશનના એક્ઝિક્યુટિવ ડિરેક્ટર એન્થોની સ્કેનલોનને વિગતવાર પ્રેઝન્ટેશન આપ્યું. પ્રતિનિધિઓએ IGU પ્રમુખ બ્રિજિન્દર સિંહના નેતૃત્વમાં ભારતમાં ગોલ્ફની વર્તમાન સ્થિતિ અને ભવિષ્યની યોજનાઓની રૂપરેખા આપી. સ્કેનલોને ભારતને ગોલ્ફમાં “સ્લીપિંગ જાયન્ટ” ગણાવ્યું, અને નજીકના ભવિષ્યમાં વિશ્વ ચેમ્પિયન તૈયાર કરવાની તેની અપાર ક્ષમતાનો ઉલ્લેખ કર્યો.

 IGU પ્રતિનિધિઓએ કેલવે ગોલ્ફના સ્થાપક એલી કેલવેના પુત્ર નિકોલસ કેલવે દ્વારા લખાયેલ પુસ્તક “ધ અનકોન્કરેબલ ગેમ” ના વિમોચન સમારોહમાં હાજરી આપી. કેલવેએ ભારતમાં ગરીબ બાળકો માટે ગોલ્ફ સાધનો ઓફર કર્યા, IGUના જુનિયર ડેવલપમેન્ટ પ્રોગ્રામને મજબૂત બનાવીને અને સમગ્ર ભારતમાં રમતને વધુ સુલભ બનાવવા પોતાનું સમર્થન આપવાનું વચન આપ્યું.

 મુલાકાત અંગે ટિપ્પણી કરતા, ઇન્ડિયન ગોલ્ફ યુનિયન (IGU)ના કાઉન્સિલ સભ્ય સમીર સિંહાએ કહ્યું કે “મને ધ માસ્ટર્સમાં ભારતનું પ્રતિનિધિત્વ કરવાનો ગર્વ છે. આ મુલાકાત વૈશ્વિક જોડાણો બનાવવા અને ગોલ્ફ માટે ભારતના વિઝનને શેર કરવાની એક મૂલ્યવાન તક હતી. અમને મળેલા સમર્થનથી અમે ઉત્સાહિત છીએ અને ભારતમાં રમતને આગલા સ્તર પર લઈ જવા માટે આતુર છીએ.”

 વધુમાં તેમણે ઉમેર્યું હતું કે, “અમદાવાદ ગોલ્ફર્સ માટે આદર્શ માળખાગત સુવિધા પ્રદાન કરે છે, જેમાં બે આંતરરાષ્ટ્રીય-સ્તરીય ગોલ્ફ કોર્સ અને એકેડેમી છે. અમે ગોલ્ફને પાયાના સ્તરે લઈ જવા પર ધ્યાન કેન્દ્રિત કરી રહ્યા છીએ, આંતરરાષ્ટ્રીય સંસ્થાઓ તરફથી સતત સમર્થનથી ચોક્કસપણે સારા પરિણામો આવશે.

 આ મુલાકાતનો મુખ્ય મુદ્દો ધ માસ્ટર્સના ચેરમેન ફ્રેડ રિડલી દ્વારા આયોજિત વિશિષ્ટ ચેરમેન ડિનરનું આમંત્રણ હતું. સેન્ડુએ ભારતમાં ગોલ્ફને પ્રોત્સાહન આપવા માટે IGUની પહેલ પર મુખ્ય અપડેટ્સ આપ્યા હતા. IGU પ્રતિનિધિઓએ ચિલી, બ્રાઝિલ, બેલ્જિયમ, બોલિવિયા, ચીન, ક્રોએશિયા, વેનેઝુએલા સહિત વિશ્વભરના વરિષ્ઠ ગોલ્ફ સંચાલકો સાથે નેટવર્ક બનાવ્યું, વૈશ્વિક સ્તરે રમતના વિકાસને આગળ વધારવા માટે વિચારો, આંતરદૃષ્ટિ અને વ્યૂહરચનાઓનું સક્રિયપણે આદાનપ્રદાન કર્યું.

 IGU પ્રતિનિધિમંડળે એશિયા પેસિફિકના રોયલ એન્ડ એન્સિયન્ટ ગોલ્ફના વડા ડોમિનિક વોલ અને રોયલ એન્ડ એન્સિયન્ટ ગોલ્ફ ક્લબના ચેરમેન નિઆલ ફાર્કુહાર્સન સાથે પણ મુલાકાતો કરી, જેમણે ભારતમાં ગોલ્ફના વિકાસ માટે સમર્થન વ્યક્ત કર્યું. સેન્ડુએ સ્પોર્ટ્સ ટર્ફ સોલ્યુશન્સના સીઈઓ બ્રેડ બર્ગેસ સાથે ચર્ચા દરમિયાન કૃષિવિજ્ઞાન અને ટર્ફ મેનેજમેન્ટ અભ્યાસક્રમો શરૂ કરવાનો પણ પ્રસ્તાવ મૂક્યો, જેથી ટર્ફ ટેવલોપમેન્ટમાં સ્થાનિક ક્ષમતાનું નિર્માણ થાય અને ભારતના રમતગમતના માળખાને વધારવામાં આવે.

 ૧૧ થી ૧૩ એપ્રિલ સુધી, IGU પ્રતિનિધિઓએ યુનાઇટેડ સ્ટેટ્સ ગોલ્ફ એસોસિએશન (USGA) સહિત વૈશ્વિક હિસ્સેદારો સાથે ચર્ચા કરી, જેમણે ભારતના રમતગમતના વિકાસ અંગે ઉત્સાહ વ્યક્ત કર્યો અને ક્રિકેટની IP સફળતાની વાત કરી.

ધ માસ્ટર્સ 2025 ઇનામ પ્રસ્તુતિ સમારોહમાં સંદુ અને સિંહા ઉપસ્થિત રહ્યા હતા, આ  મુલાકાત  વૈશ્વિક ગોલ્ફમાં ભારતના વધતા કદ પર ભાર મૂકે છે.