પાકિસ્તાની લશકરી વડાની ભારતને યુદ્ધની ધમકી, ભારતથી બચાવવા પાક. રાજદૂત ટ્ર્મ્પને વિનવણી

• પાકિસ્તાની સેના પ્રમુખની ધમકીઓનો પર્દાફાશ

• પાકિસ્તાન ભારતથી બચાવવા માટે વિશ્વભરમાં વિનંતી કરી રહ્યું છે

• પાકિસ્તાની રાજદૂતે ટ્રમ્પને ભારતથી બચાવવા વિનંતી કરી

વોશિંગ્ટન

પહેલગામ હુમલા બાદ ભારતીય બદલાની આશંકા વચ્ચે ગુરુવારે પાકિસ્તાનના આર્મી ચીફ જનરલ અસીમ મુનીર આગળ આવ્યા. દરમિયાન, જનરલ મુનીરે ચેતવણી આપી હતી કે ભારત દ્વારા કરવામાં આવેલા કોઈપણ દુ:સાહસનો ઝડપી, મક્કમ અને મજબૂત જવાબ આપવામાં આવશે. પરંતુ જનરલ મુનીરની ચેતવણી ફક્ત ધમકીથી વધુ કંઈ નથી કારણ કે એક તરફ પાકિસ્તાનના આર્મી ચીફ ભારતને ધમકી આપી રહ્યા હતા, તો બીજી તરફ વોશિંગ્ટનમાં પાકિસ્તાની રાજદૂત ટ્રમ્પને તણાવ ઓછો કરવા વિનંતી કરી રહ્યા હતા.

પાકિસ્તાની રાજદૂતની ટ્રમ્પને અપીલ

એક અહેવાલ મુજબ, અમેરિકામાં પાકિસ્તાનના રાજદૂત રિઝવાન સઈદ શેખે રાષ્ટ્રપતિ ડોનાલ્ડ ટ્રમ્પને ભારત સાથે તણાવ ઓછો કરવા વિનંતી કરી છે. પાકિસ્તાની રાજદૂતે કહ્યું કે જે રાષ્ટ્રપતિનું વહીવટીતંત્ર વિશ્વમાં શાંતિને એક સ્પષ્ટ ઉદ્દેશ્ય તરીકે માને છે, તેમના માટે કાશ્મીરથી વધુ “ઉચ્ચ અથવા સળગતો મુદ્દો” બીજો કોઈ હોઈ શકે નહીં. પાકિસ્તાની રાજદૂતે વધુમાં કહ્યું કે ‘આપણે એક કે બે પડોશી દેશો વિશે વાત કરી રહ્યા નથી, તે બે પરમાણુ સક્ષમ દેશો વિશે છે.’ આ ખૂબ જ ગંભીર બાબત છે.

એક અહેવાલ મુજબ, શેખે દલીલ કરી હતી કે ટ્રમ્પ વહીવટીતંત્રે પાકિસ્તાન અને ભારત વચ્ચેના તણાવ ઘટાડવા માટે અગાઉના યુએસ પ્રયાસો કરતાં વધુ વ્યાપક અને સતત પહેલ કરવાની જરૂર પડશે. રાજદૂતે કહ્યું કે મને લાગે છે કે, આપણે જે ખતરાનો સામનો કરી રહ્યા છીએ તેને ધ્યાનમાં રાખીને, પરિસ્થિતિનો સામનો કરવાની એક છુપી તક રહેલી છે.

કાશ્મીર પર જૂનો સૂર ફરી ચગાવાયો

આ દરમિયાન, પાકિસ્તાની રાજદૂતે કાશ્મીરનો જૂનો મુદ્દો પણ ઉઠાવ્યો અને વિવાદના વધુ ટકાઉ અને કાયમી ઉકેલ માટે હાકલ કરી. શેખે ભારપૂર્વક જણાવ્યું હતું કે કાશ્મીર મુદ્દો ભારત અને પાકિસ્તાન વચ્ચેની બધી મુશ્કેલીઓનું મૂળ છે. તેમણે અપીલ કરી કે અમેરિકા અને અન્ય દેશોએ આ પરિસ્થિતિમાં ભૂમિકા ભજવવી જોઈએ અને સંઘર્ષનો અંત લાવવા માટે કામ કરવું જોઈએ.