મેક્સવેલે અફઘાનિસ્તાન સામે 157.03ના સ્ટ્રાઈક રેટથી બેટિંગ કરતા 128 બોલમાં અણનમ 201 રન બનાવ્યા
મુંબઈ
ઓસ્ટ્રેલિયા અને અફઘાનિસ્તાન વચ્ચે વન-ડે વર્લ્ડ કપ 2023માં ગઈકાલે રમાયેલી મેચમાં ઓસ્ટ્રેલિયાએ અફઘાનિસ્તાનને 3 વિકેટથી હરાવ્યું હતું. આ મેચમાં ઓસ્ટ્રેલિયાને જીત અપાવવામાં ગ્લેન મેક્સવેલે સૌથી મોટી ભૂમિકા ભજવી હતી. મેક્સવેલે અફઘાનિસ્તાન સામે 157.03ના સ્ટ્રાઈક રેટથી બેટિંગ કરતા અણનમ 201 રન બનાવ્યા હતા. આ સાથે તેણે 40 વર્ષ જૂના કપિલ દેવના રેકોર્ડને તોડી દીધો છે. કપિલ દેવે વન-ડે વર્લ્ડ કપ 1983માં ઝિમ્બાબ્વે સામે રન ચેઝ કરતા અણનમ 175 રન બનાવ્યા હતા.
મુંબઈના વાનખેડે સ્ટેડિયમમાં રમાયેલી આ મેચમાં અફઘાનિસ્તાને પ્રથમ બેટિંગ કરતા 5 વિકટ ગુમાવીને 291 રન બનાવ્યા હતા. અફઘાનિસ્તાન માટે ઈબ્રાહીમ ઝાદરાને શાનદાર સદી ફટકારી હતી. તે અફઘાનિસ્તાન માટે વન-ડે વર્લ્ડ કપમાં સદી ફટકારનાર પ્રથમ બેટ્સમેન બન્યો હતો. જવાબમાં ઓસ્ટ્રેલિયાએ માત્ર 91 રનના સ્કોર પર 7 વિકેટ ગુમાવી દીધી હતી. ત્યારબાદ મેક્સવેલે ઓસ્ટ્રેલિયાની ઇનિંગ સંભાળી અને તાબડતોડ બેટિંગ કરતા માત્ર 128 બોલમાં 201 રન ફટકારી દીધા હતા. આ સાથે જ તેણે ઘણાં રેકોર્ડ બનાવ્યા હતા.
વનડે રન ચેઝમાં સર્વોચ્ચ સ્કોર
201* – ગ્લેન મેક્સવેલ, ઓસ્ટ્રેલિયા વિ. અફઘાનિસ્તાન, મુંબઈ, વન-ડે વર્લ્ડ કપ 2023
193 – ફખર ઝમાન, પાકિસ્તાન વિ. સાઉથ આફ્રિકા, જોહાનિસબર્ગ, 2021
185* – શેન વોટસન, ઓસ્ટ્રેલિયા વિ. બાંગ્લાદેશ, મીરપુર, 2011
183* – એમ.એસ ધોની ભારત વિ. શ્રીલંકા, જયપુર, 2005
183 – વિરાટ કોહલી, ભારત વિ. પાકિસ્તાન, મીરપુર, 2012
વન-ડે વર્લ્ડ કપમાં સૌથી વધુ રન બનાવનાર બેટ્સમેન
237* – માર્ટિન ગુપ્ટિલ, ન્યુઝીલેન્ડ વિ. વેસ્ટ ઈન્ડિઝ, વેલિંગ્ટન, 2015
215 – ક્રિસ ગેલ, વેસ્ટ ઈન્ડિઝ વિ. ઝિમ્બાબ્વે, કેનબેરા, 2015
201* – ગ્લેન મેક્સવેલ, ઓસ્ટ્રેલિયા વિ. અફઘાનિસ્તાન, મુંબઈ, 2023*
188* – ગેરી કર્સ્ટન, સાઉથ આફ્રિકા વિ. યુએઈ, રાવલપિંડી, 1996
183 – સૌરવ ગાંગુલી, ભારત વિ. શ્રીલંકા, ટોન્ટન, 1999
વર્લ્ડ કપમાં સૌથી વધુ છગ્ગા
49 – ક્રિસ ગેલ
45 – રોહિત શર્મા
43 – ગ્લેન મેક્સવેલ
37 – એબી ડી વિલિયર્સ
37 – ડેવિડ વોર્નર
ઓસ્ટ્રેલિયા માટે વનડેમાં સર્વોચ્ચ વ્યક્તિગત સ્કોર
201* – ગ્લેન મેક્સવેલ વિ. અફઘાનિસ્તાન, મુંબઈ, 2023
185* – શેન વોટસન વિ. બાંગ્લાદેશ, મીરપુર, 2011
181* – મેથ્યુ હેડન વિ. ન્યુઝીલેન્ડ, હેમિલ્ટન, 2007
179 – ડેવિડ વોર્નર વિ. પાકિસ્તાન, એડિલેડ, 2017
178 – ડેવિડ વોર્નર વિ. અફઘાનિસ્તાન, પર્થ, 2015
