એરક્રાફ્ટમાં વિલંબ અને મુસાફરોની સુવિધા માટે જારી નવી એસપીઓ બહાર પાડવામાં આવી, તમામ 6 મેટ્રો એરપોર્ટ માટે દરરોજ ત્રણ વખત ઘટનાની રિપોર્ટિંગ માંગવામાં આવી
નવી દિલ્હી
ઉડ્ડયન પ્રધાન જ્યોતિરાદિત્ય સિંધિયાએ મંગળવારે નજીકના ભવિષ્યમાં મુસાફરોની મુશ્કેલ પરિસ્થિતિને ઓછી કરવા માટે એરલાઇન્સને સ્ટાન્ડર્ડ ઓપરેટિંગ પ્રોસિજર (એસપીઓ) જારી કરી હતી. અગાઉ, સિંધિયાએ કહ્યું હતું કે હવામાનને કારણે ફ્લાઇટ રદ અને વિલંબને પગલે અસુવિધા ઘટાડવા માટે ડીજીસીએ એરલાઇન્સ માટે વધુ સારા સંચાર અને મુસાફરોની સુવિધા માટે એક એસપીઓ જારી કરશે.
દિલ્હીમાં ગાઢ ધુમ્મસની સ્થિતિ વચ્ચે, એરલાઇન્સને તેમની ફ્લાઇટ્સ ડાયવર્ટ કરવા અથવા વિલંબિત કરવાની ફરજ પડી રહી છે. આના કારણે મુસાફરોને ભારે મુશ્કેલી પડી રહી છે, જેને ધ્યાનમાં રાખીને ઉડ્ડયન મંત્રી જ્યોતિરાદિત્ય સિંધિયાએ મંગળવારે એરલાઇન્સને ‘નજીકના ભવિષ્યમાં પરિસ્થિતિને હળવી કરવા’ માટે માનક ઓપરેટિંગ પ્રક્રિયા જારી કરી હતી.
સિંધિયાએ લોકોને ખાતરી પણ આપી હતી કે ધુમ્મસ સંબંધિત અસરને ઘટાડવા માટે તમામ હિતધારકો 24 કલાક કામ કરી રહ્યા છે.
જ્યોતિરાદિત્ય સિંધિયાએ સોશિયલ મીડિયા એકાઉન્ટ ‘એક્સ’ (અગાઉનું ટ્વિટર) પર પોસ્ટ કર્યું અને લખ્યું, ‘ધુમ્મસના કારણે થતા વિક્ષેપોને ધ્યાનમાં રાખીને અને મુસાફરોની અસુવિધા ઘટાડવા માટે, ગઈકાલે તમામ એરલાઈન્સને સ્ટાન્ડર્ડ ઓપરેટિંગ પ્રોસિજર (એસપીઓ) જારી કરવામાં આવી હતી.’
એસપીઓ માં શું છે?
તમામ 6 મેટ્રો એરપોર્ટ માટે દરરોજ ત્રણ વખત ઘટનાની રિપોર્ટિંગ માંગવામાં આવી છે.
એસપીઓ અને સીએઆરનું નિયમિતપણે નિરીક્ષણ અને રિપોર્ટ કરવામાં આવશે.
એરપોર્ટ પર ‘વોર રૂમ’ બનાવવામાં આવશે.
6 મેટ્રો એરપોર્ટ પર એરલાઇન ઓપરેટરોને મુસાફરોની અસુવિધા અંગેની કોઈપણ સમસ્યાના તાત્કાલિક ઉકેલવા માટે કહેવામાં આવ્યું છે.
સીઆએસએફની ઉપલબ્ધતા 24 કલાક સુનિશ્ચિત કરવામાં આવશે.
આરડબલ્યુવાય 10/28ને દિલ્હી એરપોર્ટ પર સીએટી III તરીકે રિ-કાર્પેટિંગ પછી પણ ચલાવવામાં આવશે.
અગાઉ, સિંધિયાએ કહ્યું હતું કે ‘ગઈકાલે, દિલ્હીમાં ધુમ્મસ અને દૃશ્યતાના અભાવને ધ્યાનમાં રાખીને, અધિકારીઓને થોડા સમય માટે કેટ III રનવે પર કામગીરી રોકવાની ફરજ પડી હતી. આ નિર્ણય મુસાફરોની સુરક્ષાને ધ્યાનમાં રાખીને લેવામાં આવ્યો હતો, જે ઉડ્ડયન ઇકોસિસ્ટમમાં દરેક માટે ટોચની પ્રાથમિકતા રહે છે.’
તેમણે વધુમાં જણાવ્યું હતું કે હવામાનને કારણે ફ્લાઇટ કેન્સલેશન અને વિલંબને ધ્યાનમાં રાખીને મુસાફરોની અસુવિધા ઘટાડવા માટે ડીજીસીએ વધુ સારા સંચાર અને મુસાફરોની સુવિધા માટે એરલાઇન્સ માટે એક એસપીઓ જારી કરશે.
સિંધિયાએ મુસાફરોને આ મુશ્કેલ સમયમાં અધિકારીઓને ટેકો આપવા વિનંતી પણ કરી. રવિવારે દિલ્હી-ગોવા ફ્લાઇટમાં ઇન્ડિગોના પાઇલટ પર કથિત હુમલાની ઘટના પર પ્રતિક્રિયા આપતા,
મંત્રીએ કહ્યું કે, “અવ્યવસ્થિત વર્તનની ઘટનાઓ અસ્વીકાર્ય છે અને તેની સાથે હાલની કાનૂની જોગવાઈઓ અનુસાર કડક કાર્યવાહી કરવામાં આવશે.”
આ ઘટનાનો એક કથિત વિડિયો સોશિયલ મીડિયા પર સામે આવ્યો હતો જેમાં પીળા જેકેટ પહેરેલા સાહિલ કટારિયા વિમાનની અંદર વિલંબની જાહેરાત કરી રહ્યા હતા ત્યારે પાયલોટને મારતો જોવા મળ્યો હતો.
