સેન્સેક્સમાં 1628, નિફ્ટીમાં 473 પોઈન્ટો જોરદાર કડાકો

એચડીએફસી બેન્કના શેરમાં 8 ટકાથી વધુની નબળાઈ નોંધાઈ, મોટાભાગના બેન્કિંગ શેર શેરબજારના ટોપ લુઝર્સમાં હતા

મુંબઈ
શેરબજાર બુધવારે ભારે નબળાઈ સાથે સમાપ્ત થયું. નેશનલ સ્ટોક એક્સચેન્જનો નિફ્ટી 50 ઈન્ડેક્સ 473 પોઈન્ટ ઘટીને 21559 ના સ્તર પર આવી ગયો છે જ્યારે બીએસઈ સેન્સેક્સ 1628 પોઈન્ટની નબળાઈ સાથે 71500 ના સ્તર પર બંધ થયો છે. બુધવારના ટ્રેડિંગમાં એચડીએફસી બેન્કના શેરમાં 8 ટકાથી વધુની નબળાઈ નોંધાઈ હતી અને તે 1540 રૂપિયાના સ્તરે બંધ થયો હતો. મોટાભાગના બેન્કિંગ શેર શેરબજારના ટોપ લુઝર્સમાં હતા. બુધવારે એચડીએફસી બેન્ક, આસીઆઈસીઆઈ બેન્ક, એક્સિસ બેન્ક, કોટક બેન્ક, SBI અને રિલાયન્સ ઇન્ડસ્ટ્રીઝ લિમિટેડના શેરમાં નબળાઈ નોંધાઈ હતી, જ્યારે એચસીએલ ટેક, એસબીઆઈ લાઈફ, એલટીઆઈ માઈન્ડટ્રી,ટીસીએસ, ઈન્ફોસીસ, ટેક મહિન્દ્રા અને એપોલો હોસ્પિટલ્સના શેરમાં વધારો નોંધાયો હતો.
બુધવારે શેરબજારમાં ભારે ઘટાડો નોંધાયો છે. છેલ્લા 16 મહિનામાં સૌથી મોટા દૈનિક ઘટાડા બાદ શેરબજારનો સેન્સેક્સ 72000ની નીચે બંધ થયો છે. બુધવારે, નિફ્ટી મિડકેપ 100, બીએસઈ સ્મોલ કેપ, નિફ્ટી બેન્ક જેવા તમામ સૂચકાંકોમાં નબળાઈ નોંધાઈ હતી જ્યારે નિફ્ટી આઈટી ઈન્ડેક્સ નજીવો વધીને બંધ થયો હતો. બુધવારના કારોબારમાં એચસીએલ ટેક, એસબીઆઈ લાઈફ, ટીસીએસ અને એલટીઆઈ માઇન્ડટ્રીના શેર લીલા નિશાનમાં બંધ થયા હતા, જ્યારે એચડીએફસી બેંક 8.28 ટકાના ભારે ઘટાડા સાથે રૂ. 1540 પર બંધ થયા હતા.
બુધવારે ટાટા સ્ટીલ, કોટક મહિન્દ્રા બેંક અને એક્સિસ બેંક સહિત તમામ બેંકિંગ શેરોમાં ભારે ઘટાડો નોંધાયો છે. શેરબજારના રોકાણકારોને મલ્ટિબેગર રિટર્ન આપતી કંપનીઓ વિશે વાત કરીએ તો ગૌતમ અદાણી ગ્રુપની તમામ 10 લિસ્ટેડ કંપનીઓના શેરમાં નબળાઈ નોંધાઈ છે. અદાણી એનર્જી સોલ્યુશન્સ 3.58 ટકાની નબળાઈએ બંધ થયું હતું જ્યારે અદાણી વિલ્મર 1.37 ટકાની નબળાઈએ બંધ થયું હતું.
શેરબજારના રોકાણકારોને મલ્ટિબેગર રિટર્ન આપતી કંપનીઓ વિશે વાત કરીએ તો, ગાર્ડન રીચ શિપબિલ્ડર અને ઇન્ફોસિસ લિમિટેડના શેરમાં વધારો થયો હતો જ્યારે દેવયાની ઇન્ટરનેશનલ, આશાનિષા ઇન્ડસ્ટ્રીઝ, રિલાયન્સ ઇન્ડસ્ટ્રીઝ, ગરવેર ટેકનિકલ ફાઇબર્સ, મારુતિ સુઝુકી, બજાજ ફાઇનાન્સ, મુથૂટ ફાઇનાન્સ, આઈઆરસીટીસી. ટાટા મોટર્સ, એસબીઆઈ કાર્ડ, પતંજલિ ફૂડ્સ, ફેડરલ બેંક, આઈસીઆઈસીઆઈ બેંક અને એક્સિસ બેંકના શેર નબળાઈ પર બંધ થયા હતા.