ગુરુવારે, 5 ડિસેમ્બરે અલ્લુ અર્જુન સ્ટારર ફિલ્મ ‘પુષ્પા 2: ધ રૂલ’ રિલીઝ થઈ
ચેન્નાઈ
‘પુષ્પાઃ ધ રાઇઝ’ વર્ષ 2021માં રિલીઝ થઈ હતી, જે બોક્સ ઓફિસ પર જબરદસ્ત હિટ રહી હતી. હવે ડિસેમ્બર 2024 માં, ગુરુવાર, 5 ડિસેમ્બરે, જ્યારે ‘પુષ્પા 2: ધ રૂલ’ સિનેમાઘરોમાં રિલીઝ થઈ, ત્યારે તેણે બોક્સ ઓફિસ પર તોફાન મચાવી દીધું. આવી સ્થિતિમાં અલ્લુ અર્જુન અને રશ્મિકા મંદન્ના સોશિયલ મીડિયાથી લઈને વાસ્તવિક દુનિયામાં ખૂબજ ચર્ચામાં છે. આવી સ્થિતિમાં એક કર્મચારીએ તેના બોસને ફિલ્મ જોવા માટે એવો મેસેજ કર્યો કે તે લિંક્ડઈન પર ચર્ચાનો વિષય બની ગયો.
હું માંદગીની રજા પણ લઈ શકું?
આ મેસેજમાં કથિત કર્મચારીએ લખ્યું છે- સર, મને આજે ઓફિસ આવતા મોડું થશે, હું પુષ્પા 2 જોવા જઈ રહ્યો છું. હું માંદગીની રજા પણ લઈ શકત પણ મેં ના લીધી.
મેસેજનો આ સ્ક્રીનશોટ લિંકડઈન પર એક યુઝર અનિકેત કાલરિયાએ 5 ડિસેમ્બરે પોસ્ટ કર્યો હતો. તેણે કેપ્શનમાં લખ્યું – અત્યાર સુધીનો સૌથી ઈમાનદાર કર્મચારી. આ પોસ્ટ સોશિયલ મીડિયા પ્લેટફોર્મ પર ચર્ચાનો વિષય બની છે, જેને અત્યાર સુધીમાં અઢી હજારથી વધુ લાઈક્સ અને ઘણા યૂઝર્સ તરફથી રિએક્શન મળી ચૂક્યા છે.
લોકોને કર્મચારીની પ્રામાણિકતા ગમી
આ પોસ્ટ પર ઘણા યુઝર્સે કોમેન્ટ કરી છે. કેટલાક યુઝર્સે તેનો આનંદ માણ્યો તો કેટલાકે કહ્યું કે અમને કર્મચારીની ઈમાનદારી પસંદ છે. જેમ કે એક યુઝરે લખ્યું – આ પ્રકારનો આત્મવિશ્વાસ બતાવે છે કે બંને કેટલા જોડાયેલા છે. જ્યારે બીજાએ કહ્યું- તમે આ કેમ પોસ્ટ કર્યું??
