અમદાવાદ
તટસ્થ દેશની ખેલાડી તરીકે રમી રહેલી રશિયાની મારિયા ગોલોવિનાએ અમદાવાદ ખાતે યોજાયેલી આઈટીએફ મહિલા વર્લ્ડ ટેનિસ ટૂર ડબલ્યુ 15 ટૂર્નામેન્ટમાં સિંગલ્સ ટાઈટલ જીતી લીધું હતું. ત્રીજો સીડ ધરાવતી રશિયન ખેલાડીએ ફાઈનલમાં સેકન્ડ સીડ ધરાવતી ગુજરાતની વૈદેહી ચૌધરીને 6-2, 6-2થી આસાનીથી હરાવી હતી.
અમદાવાદમાં એસઆરટી10-અલ્ટેવોલ એકેડમી ખાતે યોજાયેલી આંતરરાષ્ટ્રીય મહિલા ટેનિસ ટૂર્નામેન્ટની ફાઈનલમાં ગોલોવિનાએ આક્રમક શરૂઆત કરી હતી અને મજબૂત બેસલાઈન સ્ટ્રોક્સને સહારે હરિફ ખેલાડી પર દબાણ ઊભું કર્યું હતું. સ્પોટર્સ ઓથોરિટી ઓફ ઈન્ડિયા અને ગુજરાત સ્ટેટ ટેનિસ એસોસિએશનના સહયોગથી ટૂર્નામેન્ટનું આયોજન કરવામાં આવ્યું હતું.
