મુખ્યમંત્રી મોહન ચરણ માંઝી દ્વારા ઇન્વેસ્ટર્સ મીટમાં રાજ્યને આગામી ઔદ્યોગિક પાવરહાઉસ તરીકે પ્રોજેક્ટ
અમદાવાદ
ઓડિશાના મુખ્યમંત્રી મોહન ચરણ માંઝીએ અમદાવાદમાં આયોજિત હાઇ-ઇમ્પેક્ટ ઇન્વેસ્ટર્સ મીટ રોડશોનું નેતૃત્વ કરતાં રાજ્યને ભારતના આગામી ઔદ્યોગિક વિકાસના કેન્દ્ર તરીકે રજૂ કર્યું. 500થી વધુ ઉદ્યોગપતિઓ, બિઝનેસ એસોસિએશન્સ અને સંસ્થાગત પ્રતિનિધિઓને સંબોધતા તેમણે જણાવ્યું કે ઓડિશા હવે પૂર્વ ભારતના વિકાસને ગતિ આપવા માટે સંપૂર્ણ રીતે તૈયાર છે.
તેમણે ગુજરાતના ઔદ્યોગિક યોગદાનનો ઉલ્લેખ કરતાં કહ્યું કે ગુજરાતે પશ્ચિમ ભારતને મજબૂત બનાવ્યું છે, હવે ઓડિશા પૂર્વ ભારતના વિકાસને નવી દિશા આપવા સજ્જ છે. રાજ્ય ઉદ્યોગોને સ્કેલ, સ્પીડ અને સ્ટ્રેટેજિક લાભો પ્રદાન કરે છે, જે લાંબા ગાળાના સ્પર્ધાત્મક લાભમાં રૂપાંતરિત થાય છે.
આ કાર્યક્રમ “પુરવોદય” વિઝન હેઠળ ઓડિશાની રાષ્ટ્રીય પહોંચને મજબૂત બનાવવાનો મહત્વપૂર્ણ પગલું સાબિત થયો. મુખ્યમંત્રીએ ભારપૂર્વક જણાવ્યું કે ભારતનો આગામી આર્થિક વિકાસ પૂર્વીય રાજ્યોના ઉદય સાથે વધુ સંતુલિત બનશે અને તેમાં ઓડિશાની ભૂમિકા કેન્દ્રસ્થાને રહેશે. તેમણે ઉદ્યોગોને ઓડિશામાં રોકાણ કરવા અને વિકાસમાં ભાગીદાર બનવા આમંત્રણ આપ્યું.
પ્રતિનિધિમંડળમાં ઉદ્યોગ મંત્રી સંપદ ચંદ્ર સ્વૈન, મુખ્ય સચિવ અનુ ગર્ગ અને અન્ય વરિષ્ઠ અધિકારીઓ સામેલ હતા. રોડશોમાં ટેક્સટાઇલ રાઉન્ડ ટેબલ સહિત વિવિધ ક્ષેત્રોના ચર્ચાસત્રો યોજાયા, તેમજ મુખ્યમંત્રી દ્વારા 26 વન-ટુ-વન મિટિંગ્સ યોજાઈ. આ સીધી ચર્ચાઓ રાજ્યની રોકાણકાર કેન્દ્રિત અને પ્રતિસાદક્ષમ શાસન પ્રણાલીને દર્શાવે છે.
ટેક્સટાઇલ ક્ષેત્રની ચર્ચામાં તેમણે ઓડિશા અને ગુજરાત વચ્ચેના સાંસ્કૃતિક સંબંધોને ઉલ્લેખિત કરતાં પુરીના ભગવાન જગન્નાથથી લઈને દ્વારકા સુધીની પરંપરાગત જોડાણને યાદ કર્યું. સાથે જ તેમણે જણાવ્યું કે ઓડિશા કુશળ માનવબળ અને પ્રોત્સાહક નીતિઓ સાથે ટેક્સટાઇલ ક્ષેત્રમાં ઝડપથી આગળ વધી રહ્યું છે.
મુખ્યમંત્રીએ ઓડિશાની ભૂગોળીય વિશેષતાઓ પર પણ પ્રકાશ પાડ્યો. લાંબી સમુદ્ર કિનારી, કાર્યરત બંદરો અને બંગાળની ખાડી તથા ઇન્ડો-પેસિફિક માર્ગ સાથેની જોડાણ ઓડિશાને વૈશ્વિક વેપાર માટે મહત્વપૂર્ણ હબ બનાવે છે. તેમણે પારદર્શિતા, ઝડપી પ્રક્રિયા અને અસરકારક અમલીકરણ માટે રાજ્યની પ્રતિબદ્ધતા પણ વ્યક્ત કરી.
અમદાવાદ રોડશો ઓડિશાના વધતા ઔદ્યોગિક મહત્વને મજબૂત સંદેશ આપે છે. આગામી સમયમાં દેશના અન્ય શહેરોમાં પણ આવા કાર્યક્રમો યોજાઈ ઉદ્યોગ સાથેના જોડાણને વધુ મજબૂત બનાવાશે અને રાજ્યને નવી પેઢીના રોકાણ માટે આકર્ષક ગંતવ્ય તરીકે વિકસાવવામાં આવશે.
