જુલાઈમાં ગુપ્ત નવરાત્રિથી ગુરુ પૂર્ણિમા સહિતના ધાર્મિક પર્વોની ઉજવણી થશે

હરિશયની એકાદશીથી ચાતુર્માસનો પ્રારંભ; જગન્નાથ રથયાત્રા સહિત અનેક મહત્વના વ્રત-ઉત્સવો જુલાઈમાં આવશે

નવી દિલ્હી

જુલાઈ 2026નો મહિનો ધાર્મિક દૃષ્ટિએ અત્યંત મહત્વપૂર્ણ માનવામાં આવે છે. આ મહિનામાં યોગિની એકાદશી, અષાઢ ગુપ્ત નવરાત્રિ, શ્રી જગન્નાથ રથયાત્રા, હરિશયની (દેવશયની) એકાદશી, ચાતુર્માસનો પ્રારંભ અને ગુરુ પૂર્ણિમા જેવા અનેક મહત્વના વ્રત અને તહેવારોની ઉજવણી થશે. ધાર્મિક માન્યતા અનુસાર હરિશયની એકાદશીથી ભગવાન વિષ્ણુ યોગનિદ્રામાં પ્રવેશ કરે છે અને ત્યારથી ચાતુર્માસનો આરંભ થતાં ચાર મહિના સુધી લગ્ન સહિતના માંગલિક કાર્યો પર વિરામ આવે છે.

જુલાઈ 2026ના મુખ્ય વ્રત-તહેવારોની યાદી

ગુપ્ત નવરાત્રિ અને ચાતુર્માસનું મહત્વ

અષાઢ ગુપ્ત નવરાત્રિ દરમિયાન દસ મહાવિદ્યાઓની વિશેષ ઉપાસના કરવામાં આવે છે. આ સમયગાળામાં સાધના અને પૂજા ગુપ્ત રીતે કરવાનું વિશેષ મહત્વ માનવામાં આવે છે. હરિશયની એકાદશીના દિવસે ભગવાન વિષ્ણુ યોગનિદ્રામાં પ્રવેશ કરે છે અને તે સાથે ચાતુર્માસનો આરંભ થાય છે. આ ચાર મહિનામાં જપ, તપ, દાન અને ધાર્મિક અનુષ્ઠાનોનું વિશેષ મહત્ત્વ રહે છે.

ગુરુ પૂર્ણિમા અને રથયાત્રા

16 જુલાઈએ ઓડિશાના પુરીમાં ભગવાન જગન્નાથ, ભાઈ બલભદ્ર અને બહેન સુભદ્રાની ભવ્ય રથયાત્રા યોજાશે. જ્યારે 29 જુલાઈએ ગુરુ પૂર્ણિમાના દિવસે મહર્ષિ વેદવ્યાસના સ્મરણ સાથે ગુરુઓનું પૂજન કરવામાં આવશે. ધાર્મિક પરંપરામાં આ બંને પર્વોને વિશેષ સ્થાન આપવામાં આવ્યું છે અને દેશભરમાં શ્રદ્ધા અને ઉત્સાહ સાથે ઉજવણી કરવામાં આવે છે.