આ સોદાઓની કિંમત રુપિયા 90 હજાર કરોડથી વધુ હોવાનો અંદાજ છે જો કે આ સોદાની સાચી કિંમત કરારની વાટાઘાટો પૂર્ણ થયા બાદ જ સ્પષ્ટ થશે
નવી દિલ્હી
ભારતે એક મોટા સંરક્ષણ સોદામાં ફ્રાન્સ પાસેથી 26 રાફેલ ફાઈટર જેટ અને 3 સ્કોર્પિન ક્લાસની સબમરીન ખરીદી કરશે. ડિફેન્સ એક્વિઝિશન કાઉન્સિલે આ કરારની મંજૂરી આપી દીધી છે. આ બાબતની માહિતી આપતા અધિકારીએ જણાવ્યું હતું કે ભારતીય નૌકાદળ માટે ત્રણ વધારાની સ્કોર્પિન- ક્લાસ સબમરીન સહિત 22 રાફેલ એમ અને ચાર ટુ સીટર ટ્રેનર વર્ઝન સહિત 26 રાફેલ એરક્રાફ્ટ ખરીદવાની દરખાસ્તોને મંજૂરી આપી છે.
ભારતીય નૌકાદળને ચાર ટ્રેનર એરક્રાફ્ટ સાથે 22 સિંગલ-બેઠક રાફેલ સી પ્લેન મળશે. નૌકાદળ આ લડાયક જેટ અને સબમરીનને તાત્કાલિક હસ્તગત કરવા માટે દબાણ કરી રહ્યું હતું કારણ કે તેઓ સમગ્ર દેશમાં સુરક્ષા પડકારોને પગલે અછતનો સામનો કરી રહ્યા હતા. ભારતીય નૌકાદળ તેના એરક્રાફ્ટ કેરિયર આઈએનએસ વિક્રમાદિત્ય અને વિક્રાંત પર તૈનાત કરવા માટે જૂના મિગ-29 ને બદલવા માટે યોગ્ય એરક્રાફ્ટ શોધી રહી હતી.
એરક્રાફ્ટ કેરિયર્સ આઈએનએસ વિક્રમાદિત્ય અને વિક્રાંત મિગ-29 ઓપરેટ કરી રહ્યા છે અને બંને કેરિયર્સ પર ઓપરેશન માટે રાફેલ જરૂરી છે. આ સાથે ત્રણ સ્કોર્પિન-ક્લાસ સબમરીન નૌકાદળ દ્વારા પ્રોજેક્ટ-75ના ભાગ રૂપે પુનરાવર્તિત કલમ હેઠળ હસ્તગત કરવામાં આવશે ત્યારબાદ તે મુંબઈમાં મઝાગોન ડોકયાર્ડ્સ લિમિટેડ ખાતે બનાવવામાં આવશે. આ સોદાઓની કિંમત રુપિયા 90 હજાર કરોડથી વધુ હોવાનો અંદાજ છે જો કે આ સોદાની સાચી કિંમત કરારની વાટાઘાટો પૂર્ણ થયા બાદ જ સ્પષ્ટ થશે.
