રિલિાયન્સ ફાઉન્ડેશન મેજર ટુર્નામેન્ટ: ઇન્કમ ટેક્સનો સ્ટેટ બેંક ઓફ ઇન્ડિયા સામે પ્રથમ ઇનિંગ્સની સરસાઈથી વિજય

નીવ લાલવાનીની શાનદાર સદી (147) અને કુશ પટેલના 93 રનની મદદથી ઇન્કમ ટેક્સ ટીમે મજબૂત પકડ બનાવી; ઉર્વિશ પરમારની 5 વિકેટ એળે ગઈ

અમદાવાદ:

ધ સેન્ટ્રલ બોર્ડ ઓફ ક્રિકેટ અમદાવાદ દ્વારા આયોજિત રિલિયન્સ ફાઉન્ડેશન મેજર ટુર્નામેન્ટ (મલ્ટીડે) અંતર્ગત એડીએસએ રેલવે ગ્રાઉન્ડ ખાતે રમાયેલી મેચમાં ઇન્કમ ટેક્સની ટીમે સ્ટેટ બેંક ઓફ ઇન્ડિયા (SBI) સામે પ્રથમ ઇનિંગ્સની સરસાઈ (1st Inning Lead) મેળવીને જીત દર્જ કરી છે. 21 થી 23 ઓક્ટોબર 2026 દરમિયાન રમાયેલી આ ત્રણ દિવસીય મેચ અંતે ડ્રો રહી હતી, પરંતુ પ્રથમ ઇનિંગ્સની સરસાઈના આધારે ઇન્કમ ટેક્સ ટીમને વિજેતા જાહેર કરવામાં આવી હતી.

ઇન્કમ ટેક્સની ટીમે ટોસ જીતીને પહેલા બેટિંગ કરવાનો નિર્ણય લીધો હતો. પ્રથમ ઇનિંગ્સમાં નીવ લાલવાનીના 188 બોલમાં ધમાકેદાર 147 રન, રિકિન ચૌહાણના 62 રન અને ત્રિનાભ શુક્લાના 62 રનની મદદથી ટીમ 100.3 ઓવરમાં 375 રન બનાવી ઓલઆઉટ થઈ હતી. SBI તરફથી ઉર્વિશ પરમારે ઉત્કૃષ્ટ બોલિંગ કરતા 96 રન આપીને 5 વિકેટ ઝડપી હતી.

જવાબમાં સ્ટેટ બેંક ઓફ ઇન્ડિયાની ટીમ પ્રથમ ઇનિંગ્સમાં 47.2 ઓવરમાં માત્ર 195 રનમાં ઓલઆઉટ થઈ ગઈ હતી. SBI તરફથી યુવરાજ કિશનચંદાનીએ અણનમ 53 રન બનાવ્યા હતા. ઇન્કમ ટેક્સના બોલર મીત પટેલે 55 રન આપીને 4 વિકેટ અને ધ્રુવ પટેલે 42 રન આપીને 3 વિકેટ ઝડપી SBI ને સસ્તામાં સમેટી લીધી હતી.

બીજી ઇનિંગ્સમાં ઇન્કમ ટેક્સની ટીમે 73 ઓવરમાં 4 વિકેટે 225 રન બનાવ્યા હતા, જેમાં કુશ પટેલે 93 રન અને જયવર્ધન ચાવડાએ 45 રનનું યોગદાન આપ્યું હતું. SBI તરફથી જય પ્રજાપતિએ 60 રન આપીને 3 વિકેટ લીધી હતી.

મેચનો સ્કોરકાર્ડ (Match Score)

• ટોસ: ઇન્કમ ટેક્ષ (ટોસ જીતીને બેટિંગ પસંદ કરી)
• ઇન્કમ ટેક્સ (પ્રથમ ઇનિંગ્સ): 375/10 (100.3 ઓવર)
  • નીવ લાલવાની: 147 (188 બોલ)
  • રિકિન ચૌહાણ: 62 (88 બોલ)
  • ત્રિનાભ શુક્લા: 62 (152 બોલ)
  • ઉર્વિશ પરમાર 32-5-96-5
• સ્ટેટ બેંક ઓફ ઇન્ડિયા (પ્રથમ ઇનિંગ્સ): 195/10 (47.2 ઓવર)
  • યુવરાજ કિશનચંદાની: 53* (67 બોલ)
  • મીત પટેલ 16-4-55-4, ધ્રુવ પટેલ 12-3-42-3
• ઇન્કમ ટેક્સ (બીજી ઇનિંગ્સ): 225/4 (73 ઓવર)
  • કુશ પટેલ: 93 (158 બોલ)
  • જયવર્ધન ચાવડા: 45 (59 બોલ)
  • જય પ્રજાપતિ 22-3-60-3
• પરિણામ: મેચ ડ્રો, પરંતુ પ્રથમ ઇનિંગ્સની સરસાઈના આધારે ઇન્કમ ટેક્સ વિજેતા