ભારત શ્રેણીમાં પ્રથમ બે ટી20 ગુમાવ્યા બાદ ત્રીજી મેચમાં વિજય સાથે 2-1થી પાછળ છે
નવી દિલ્હી
ભારતીય ક્રિકેટ ટીમ હાલમાં વેસ્ટ ઈન્ડિઝ સામે 5 મેચની ટી20 સિરીઝ રમી રહી છે. આ સિરીઝની 3 મેચ રમાઈ ચુકી છે. ત્રીજી ટી20 મેચમાં ભારતે વેસ્ટ ઇન્ડીઝને 7 વિકેટે હરાવ્યું હતું. આ હર બાદ પણ વેસ્ટ ઇન્ડીઝની ટીમ 2-1 સાથે લીડમાં છે. હવે સિરીઝની ચોથી મેચ 12 ઓગસ્ટે રમાશે પરંતુ તે વેસ્ટ ઈન્ડિઝમાં રમાશે નહીં.
ભારતીય ક્રિકેટ ટીમ વેસ્ટ ઈન્ડિઝમાં આખી સિરીઝ નહી રમે. આ સિરીઝની બે ટી20 મેચ અમેરિકાના ફ્લોરિડાના લોડરહિલમાં રમાશે. ટી20 સીરીઝની પ્રથમ બે મેચમાં ભારતનો પરાજય થયો હતો, ત્યારબાદ ટીમ ઈન્ડિયાએ ગુયાનામાં 7 વિકેટે જીત મેળવીને સીરીઝમાં વાપસી કરી હતી.
ભારતીય ટીમે વેસ્ટ ઈન્ડિઝ સામેની 3 મેચની વનડે સિરીઝમાં 2-1થી જીત મેળવી હતી. સિરીઝની પ્રથમ મેચ બાર્બાડોસના કેન્સિંગ્ટન ઓવલ મેદાન પર રમાઈ હતી જેમાં ટીમ ઈન્ડિયાએ 5 વિકેટે જીત મેળવી હતી. આ પછી બીજી વનડે બાર્બાડોસમાં જ રમાઈ હતી, જે વેસ્ટ ઈન્ડિઝે 6 વિકેટે જીતી હતી. ત્રિનિદાદમાં રમાયેલી ત્રીજી વનડેમાં ભારતે 200 રનના વિશાળ અંતરથી સિરીઝ જીતી લીધી હતી. આ પહેલા ટીમ ઈન્ડિયાએ વેસ્ટ ઈન્ડિઝને 2 મેચની ટેસ્ટ સિરીઝમાં 1-0થી હરાવ્યું હતું. સિરીઝની પ્રથમ મેચ ડોમિનિકામાં રમાઈ હતી જે ભારતે એક ઇનિંગ અને 141 રને જીતી હતી. વરસાદ અને ખરાબ હવામાનને કારણે બીજી ટેસ્ટ મેચ ડ્રો રહી હતી.
