પોલીસે લશ્કર-એ-તૈયબાના બે ઓવર ગ્રાઉન્ડ વર્કર્સની ધરપકડ કરી

આરોપી બારામુલ્લાના રહેવાસીઓ છે, લશ્કર-એ-તૈયબા માટે કામ કરતા હતા, તેમની પાસેથી મેગેઝીન સાથે એક ચાઈનીઝ પિસ્તોલ અને એક હેન્ડ ગ્રેનેડ પણ મળી આવ્યો

જમ્મુ
જમ્મુ-કાશ્મીરમાં આતંકવાદીઓ વિરુદ્ધ અભિયાન ચલાવવામાં આવી રહ્યું છે. એવામાં જમ્મુ કાશ્મીર પોલીસને મોટી સફળતા મળી છે. પોલીસે લશ્કર-એ-તૈયબાના બે ઓવર ગ્રાઉન્ડ વર્કર્સની ધરપકડ કરી છે. પોલીસે માહિતી આપી હતી કે બંને આરોપીઓ, બારામુલ્લાના રહેવાસીઓ છે, લશ્કર-એ-તૈયબા માટે કામ કરતા હતા. આરોપી પાસેથી મેગેઝીન સાથે એક ચાઈનીઝ પિસ્તોલ અને એક હેન્ડ ગ્રેનેડ પણ મળી આવ્યો છે.
આ લશ્કરના આતંકવાદીઓએ ખુલાસો કર્યો હતો કે તેઓ સતત લશ્કર-એ-તૈયબાના માસ્ટર્સના સંપર્કમાં હતા અને પાકિસ્તામાં બેઠલા આતંકવાદી માસ્ટરમાઈન્ડને તમામ માહિતી આપતા હતા. પોલીસના જણાવ્યા અનુસાર, આ આતંકવાદીઓ સુરક્ષા દળો પર હુમલો કરવાની અને ટાર્ગેટ કિલિંગ કરવાની યોજના બનાવી રહ્યા હતા.
થોડા દિવસ પહેલા સુરક્ષા દળોએ જમ્મુ-કાશ્મીરના કુપવાડામાં આતંકવાદીઓની યોજનાને નિષ્ફળ બનાવી હતી. પોલીસે સેના સાથે સંયુક્ત ઓપરેશનમાં ઘૂસણખોરી કરી રહેલા એક આતંકવાદીને ઠાર માર્યો હતો. સુરક્ષા દળોએ તે આતંકવાદી પાસેથી ઘણા હથિયારો અને દારૂગોળો જપ્ત કર્યો હતો.
ગયા મહિને જમ્મુ-કાશ્મીરના પુલવામામાં પણ સુરક્ષા દળોએ આતંકવાદીઓ વિરુદ્ધ કાર્યવાહી કરી હતી. આ દરમિયાન સુરક્ષાદળો અને આતંકીઓ વચ્ચે ગોળીબાર થયો હતો. જમ્મુ કાશ્મીર પોલીસ અને સેનાના જવાનો દ્વારા આતંકવાદીઓ વિરુદ્ધ આ કાર્યવાહી કરવામાં આવી હતી. આ પહેલા સુરક્ષાદળોએ પુલવામા જિલ્લામાં પણ અલગ-અલગ સ્થળોએ દરોડા પાડ્યા હતા