અમદાવાદ હીરામણિ પ્રાયમરી સ્કૂલમાં (અંગ્રેજી માધ્યમ) માં ઉત્તરાયણ પર્વની ઉજવણી નિમીત્તે ધો – ૧ થી ૭ માં “KITE DECORATIN”સ્પર્ધાનું આયોજન કરવામાં આવ્યું હતું. વિદ્યાર્થીઓએ કલરીંગ પેપર, ક્રાફ્ટ પેપર, કલરીંગ પથ્થર તેમજ ડેકોરેટીવ મટીરીયલનો ઉપયોગ કરીને રચનાત્મક, કલાત્મક નમૂના બનાવ્યાં હતાં.
હીરામણિ પ્રાથમિક શાળા (ગુજરાતી માધ્યમ)માં ધો.1 થી 7 નાં બાળકો દ્વારા રક્ષાબંધનના તહેવારની ઉજવણી નિમિત્તે વિવિધ પ્રકારની રાખડીઓ બનાવવાની સ્પર્ધા યોજાઈ. વિદ્યાર્થીઓએ ટીલડી, મોતી, આભલાં, પિસ્તાંનાં ફોતરાં, કાર્ડપેપર, મોરપીંછ, કોડી, દોરો, રુ જેવી વિવિધ વસ્તુઓમાંથી સુંદર રાખડીઓ બનાવી હતી. ઘણા વિદ્યાર્થીઓએ ઓપરેશન સિંદુરને લગતી રાષ્ટ્રધ્વજના રંગની કલાત્મક રાખડીઓ બનાવી હતી.
‘કવિતાએ સાહિત્યનો મુખ્ય ભાગ છે’ હીરામણિ હાયર સેકન્ડરી અંગ્રેજી માધ્યમમાં વિદ્યાર્થીઓમાં કવિતાની સુવાસ ફેલાવાની સાથે હિન્દી દિવસના ઉપલક્ષમાં ‘હિન્દી કાવ્ય પઠન’ સ્પર્ધાનું આયોજન કરવામાં આવ્યું હતું. વિદ્યાર્થીઓએ આ કાવ્ય પઠનમાં સ્ત્રી, ભારતમાતા, પ્રકૃતિ, કૃષ્ણ, સમય જેવા વિષયો પર કાવ્યો રજૂ કર્યાં હતા. જેમાં શુદ્ધ ઉચ્ચારણ, લય, હાવભાવ દ્વારા સુંદર અભિવ્યક્તિ કરી બધાને મંત્રમુગ્ધ કર્યા હતા….
