કોંગ્રેસ પાર્ટીમાં ઘણી મહિલાઓ છે, જેઓ એક શ્રેષ્ઠ મુખ્યમંત્રી બની શકે છેઃ કોંગ્રેસ નેતાનો દાવો
એર્નાકુલમ
કોંગ્રેસના નેતા રાહુલ ગાંધી એર્નાકુલમની મુલાકાતે છે. રાહુલે અહીં ‘ઉત્સાહ’ મહિલા કોંગ્રેસ દ્વારા આયોજીત સંમેલન ભાગ લીધો હતો. આ દરમિયાન તેમણે સત્તામાં મહિલાઓનો અભાવ હોવાનો ઉલ્લેખ કર્યો હતો.
તેમણે કહ્યું કે, આજે આપણી પાસે મહિલા મુખ્યમંત્રીઓનો અભાવ છે. આપણી પાસે આગામી 10 વર્ષમાં 50 ટકા મુખ્યમંત્રી હોય, તે કોંગ્રેસ માટે સારું લક્ષ્ય હશે. આપણી પાસે ઘણી ઓછી મહિલા મુખ્યમંત્રીઓ છે. કોંગ્રેસ પાર્ટીમાં ઘણી મહિલાઓ છે, જેઓ એક શ્રેષ્ઠ મુખ્યમંત્રી બની શકે છે. રાહુલે કહ્યું કે, હવે આપણું કામ કોંગ્રેસના તમામ સ્તરે વધુમાં વધુ મહિલાઓની ભાગીદારી હોય, તે સુનિશ્ચિત કરવાનું છે.
અગાઉ કેરળના વિપક્ષી નેતા વીડી સતીસને જણાવ્યું હતું કે, કેન્દ્ર સરકાર અને રાજ્ય સરકારોની પ્રજા વિરોધી નીતિઓને ઉજાગર કરવા કોંગ્રેસ દ્વાાર એક રેલીનું આયોજન કરાશે, જેમાં પક્ષના કાર્યકર્તાઓ ઉપરાંત મહિલા કોંગ્રેસના વોર્ડ સ્તરના તમામ પદાધિકારી સામેલ થશે. તેમણે કહ્યું કે, અમારી રેલી મહિલાઓ અને બાળકો પર થતી હિંસાને રોકવામાં નિષ્ફળ ગયેલી સરકારો માટે ચેતવણીરૂપ છે.
