મુંબઈ
ડ્રાય ફ્રૂટ્સ, નટ્સ અને હેલ્થી સ્નેકિંગમાં ભારતની અગ્રણી બ્રાન્ડ કંપનીઓ પૈકીની એક પ્રોવેન્ટસ એગ્રીકોમ લિમિટેડે (NSE SM Symbol: PROV) બદામ અને અન્ય સૂકામેવા પર જીએસટીનો દર 12 ટકાથી ઘટાડીને 5 ટકા કરવાના ભારત સરકાર દ્વારા લેવાયેલા ભવિષ્યલક્ષી પગલાંનું ઉમળકાભેર સ્વાગત કર્યું હતું.
આ મહત્વનો સુધારો વપરાશને પ્રોત્સાહન આપશે અને તંદુરસ્ત, પોષકતત્વોથી ભરપૂર પ્રોડક્ટ્સને ભારતીય ગ્રાહકો માટે વધુ કિફાયતી બનાવશે. કુદરતી અને પોષકતત્વોથી પૂર્ણ ભોજનને વધુને વધુ સ્વીકારવા માટે પ્રોત્સાહન આપીને આ પહેલ દેશના પોષણ અને સુખાકારીની સફરને મજબૂત બનાવવામાં મહત્વની ભૂમિકા ભજવશે.
સાથે સાથે જીએસટીમાં ઘટાડાથી ઓર્ગેનાઇઝ્ડ બ્રાન્ડેડ ડ્રાય ફ્રૂટ્સ અને હેલ્થી સ્નેકિંગ ઇન્ડસ્ટ્રીને મજબૂત વેગ મળશે જેનાથી વધુ મૂલ્ય નિર્માણ, ખેડૂતો સાથેના જોડાણ અને ગ્રાહક વિશ્વાસ માટેની તકો ઊભી થશે. આ પહેલ મોટાપાયે માંગ ઊભી કરશે જેનાથી વૈશ્વિક સ્પર્ધાત્મક ક્ષેત્રે આ કેટેગરી ઝડપથી વૃદ્ધિ પામશે. એક સમર્પિત કંપની તરીકે ProV આ વિઝન સાથે સંપૂર્ણપણે જોડાયેલી છે.
ProV ખાતે અમને વિશ્વાસ છે કે આવી પ્રગતિશીલ નીતિ પહેલ અમારી વિકાસની ગતિને ઝડપી બનાવશે અને અમને નાણાંકીય વર્ષ 2028 સુધીમાં બ્રાન્ડ આવકને રૂ. 1,000 કરોડનો આંક પાર કરવાના લક્ષ્યાંકને હાંસલ કરવામાં મદદ કરશે. ઉપરાંત, તે ભારતને વધુ તંદુરસ્ત, વધુ મજબૂત અને આત્મનિર્ભર બનાવવાના વ્યાપક મિશનમાં પણ યોગદાન આપશે.
