અલુર
ઓડિશાના બેટ્સમેન સ્વસ્તિક સામલે વિજય હજારે ટ્રોફીમાં સૌરાષ્ટ્ર સામે 169 બોલમાં 212 રનની શાનદાર ઇનિંગ રમી. તેણે અલુરમાં આ સિદ્ધિ હાંસલ કરી. આ બેવડી સદી સાથે, સામલે લિસ્ટ A ક્રિકેટ ઇતિહાસમાં આ સિદ્ધિ હાંસલ કરનાર ઓડિશાનો પ્રથમ બેટ્સમેન બન્યો. વિજય હજારે ટ્રોફીના ઇતિહાસમાં આ પાંચમો સૌથી મોટો સ્કોર છે, જેણે 2019 માં મુંબઈ માટે રમતી વખતે યશસ્વી જયસ્વાલના 203 રનને પાછળ છોડી દીધો છે. સામલની શાનદાર ઇનિંગ્સે ઓડિશાને સૌરાષ્ટ્ર સામે 50 ઓવરમાં 6 વિકેટે 345 રન બનાવવામાં મદદ કરી.
IPL હરાજીમાં વેચાયો નહીં
સ્વસ્તિક સામલ, તેના સાથી રાજેશ મોહંતી સાથે, IPL 2026 ની હરાજીમાં સામેલ થયો હતો, પરંતુ વેચાયો નહીં. 25 વર્ષીય સામલે ઓડિશા માટે ઇનિંગ્સની શરૂઆત કરી અને તેની ટીમને મજબૂત શરૂઆત આપી. જોકે, ઓમ, સંદીપ પટનાયક અને ગોવિંદ પોદ્દારના આઉટ થયા પછી, ઓડિશા મુશ્કેલીમાં મુકાઈ ગયું, 11.5 ઓવરમાં 59 રનમાં ત્રણ વિકેટ ગુમાવી દીધી હતી.
સમાલની બિપ્લબ સામંતરાયે સાથે મજબૂત ભાગીદરી
આ પછી, સામલે કેપ્ટન બિપ્લબ સામંતરાયે સાથે ઇનિંગ ફરીથી પાટે ચઢાવી. તેમણે અંત સુધી બેટિંગ કરવી પડી. આ ભાગીદારીમાં, બંને બેટ્સમેનોએ 211 બોલમાં 261 રન ઉમેર્યા, જેમાં સામંતરાયે પોતાની સદી પૂર્ણ કરી અને સામલે 156 રન બનાવ્યા. છેલ્લી ઓવરના ચોથા બોલ પર સામલ આઉટ થયો ત્યાં સુધીમાં તે પોતાની ટીમને મોટા સ્કોર સુધી પહોંચાડી ચૂક્યો હતો. સામલની ઇનિંગમાં 21 ચોગ્ગા અને 8 છગ્ગાનો સમાવેશ થતો હતો. ઓડિશા માટે આ તેની 14મી લિસ્ટ એ મેચ હતી, અને તે લિસ્ટ એ ક્રિકેટમાં બેવડી સદી ફટકારનાર 14મો ભારતીય ખેલાડી બન્યો.
વિજય હજારેનો રેકોર્ડ
વિજય હજારે ટ્રોફીમાં સૌથી વધુ સ્કોરની વાત કરીએ તો, એન. જગદીસન 21 નવેમ્બર, 2022 ના રોજ અરુણાચલ સામે 277 (141 બોલ) સાથે યાદીમાં ટોચ પર છે. તેના પછી પૃથ્વી શોના 227 (152 બોલ) છે, જે તેણે 25 ફેબ્રુઆરી, 2021 ના રોજ પુડુચેરી સામે બનાવ્યા હતા. રુતુરાજ ગાયકવાડે 28 નવેમ્બર, 2022 ના રોજ ઉત્તર પ્રદેશ સામે 220 (159 બોલ) રન બનાવ્યા હતા. સંજુ સેમસને 12 ઓક્ટોબર, 2019 ના રોજ ગોવા સામે 212 (129 બોલ) રન બનાવ્યા હતા. હવે સ્વસ્તિક સામલ 24 ડિસેમ્બર, 2025 ના રોજ સૌરાષ્ટ્ર સામે 212 (169 બોલ) રન બનાવીને આ યાદીમાં જોડાઈ ગયો છે.
