પુણેમાં ચાર વર્ષની બાળકી પર બળાત્કાર અને હત્યા બાદ વિરોધ પ્રદર્શનો; મુંબઈ-બેંગલુરુ હાઇવે ચાર કલાક સુધી બંધ

પોલીસે આ કેસમાં ગુનાહિત રેકોર્ડ ધરાવતા 65 વર્ષીય વ્યક્તિની ધરપકડ કરી છે. એક પોલીસ અધિકારીએ જણાવ્યું હતું કે આરોપી, જે વ્યવસાયે મજૂર હતો, શુક્રવારે છોકરીને ખવડાવાની લાલચ આપીને ઢોરના વાડામાં લઈ ગયો અને તેના પર જાતીય હુમલો કર્યો

એસવીએન,પુણે 

મહારાષ્ટ્રના પુણેમાં ચાર વર્ષની બાળકી પર બળાત્કાર અને હત્યાના વિરોધમાં સેંકડો લોકોએ મુંબઈ-બેંગલુરુ હાઇવે બ્લોક કરી દીધો હતો. આના કારણે હાઇવે પર લગભગ ચાર કલાક સુધી ટ્રાફિક ખોરવાઈ ગયો હતો. બાળકીના પરિવારના સભ્યો અને અન્ય પ્રદર્શનકારીઓએ શનિવારે સાંજે નવલે બ્રિજ વિસ્તારમાં પીડિતાના મૃતદેહને રસ્તા પર મૂક્યો હતો અને આ કેસમાં ધરપકડ કરાયેલા 65 વર્ષીય વૃદ્ધને કડક સજાની માંગ કરી હતી . હાઇવે પર ભારે ટ્રાફિક જામ દર્શાવતા ઘણા વીડિયો સામે આવ્યા છે .

છોકરીના અંતિમ સંસ્કાર કરવામાં આવ્યા
પીડિતાના બાદમાં મધ્યરાત્રિ પછી વૈકુંઠ સ્મશાનગૃહમાં કડક પોલીસ સુરક્ષા વચ્ચે અંતિમ સંસ્કાર કરવામાં આવ્યા હતા. આ કેસમાં આરોપી ગુનાહિત રેકોર્ડ ધરાવતો મજૂર છે. પોલીસે જણાવ્યું હતું કે આરોપીએ કથિત રીતે છોકરીને ખોરાકનું વચન આપીને લલચાવી હતી અને તેને ઢોરના વાડામાં લઈ ગયો હતો જ્યાં તેણે તેની સાથે બળાત્કાર ગુજાર્યો હતો. તેણે તેના પર જાતીય હુમલો કર્યો અને પછી તેની હત્યા કરી . છોકરી ગુમ થઈ ગઈ, ત્યારે તેના સંબંધીઓએ તેની શોધ શરૂ કરી અને આ દરમિયાન એક ખાનગી રહેઠાણના સીસીટીવી ફૂટેજમાં આરોપીને છોકરી સાથે જોવા મળ્યો , જેના પગલે તેની ધરપકડ કરવામાં આવી.

આરોપીને 7 મે સુધી પોલીસ કસ્ટડીમાં

• આરોપી વિરુદ્ધ ભારતીય દંડ સંહિતા અને બાળકોના જાતીય ગુનાઓથી રક્ષણ (POCSO) અધિનિયમની સંબંધિત જોગવાઈઓ હેઠળ કેસ નોંધવામાં આવ્યો છે. આરોપીને 7 મે સુધી પોલીસ કસ્ટડીમાં મોકલવામાં આવ્યો હતો. 
• મહારાષ્ટ્રના નાયબ મુખ્યમંત્રી સુનેત્રા પવાર શનિવારે છોકરીના પરિવારને મળ્યા હતા અને આરોપીઓ સામે કડક કાર્યવાહી અને ઝડપી ટ્રાયલનું આશ્વાસન આપ્યું હતું.
• આ ઘટનાને  આઘાતજનક  અને  માનવતા પર કલંક  ગણાવતા પવારે કહ્યું કે સરકાર પીડિત પરિવાર સાથે મજબૂતીથી ઉભી છે અને ન્યાય સુનિશ્ચિત કરશે.

શિંદેએ પોલીસને આદેશ આપ્યો

સુનેત્રા પવારે આ મામલે મુખ્યમંત્રી દેવેન્દ્ર ફડણવીસ સાથે પણ વાત કરી હતી અને આરોપીઓને સૌથી કડક સજા મળે તે માટે ઝડપી ટ્રાયલની માંગ કરી હતી . મહારાષ્ટ્રના નાયબ મુખ્યમંત્રી એકનાથ શિંદેએ શનિવારે પુણે ગ્રામીણ પોલીસને નક્કર પુરાવા એકત્રિત કરવા અને આ મામલે મજબૂત કેસ તૈયાર કરવા અને ફાસ્ટ ટ્રેક કોર્ટમાં ટ્રાયલ ચલાવવાનો નિર્દેશ આપ્યો હતો. એક સત્તાવાર નિવેદન અનુસાર , શિંદેએ નિર્દેશ આપ્યો છે કે આરોપીઓને મહત્તમ સજા એટલે કે મૃત્યુદંડ મળે તે સુનિશ્ચિત કરવામાં આવે .