પબજીથી સીમાએ એકલા સચિન જ નહીં અનેક દિલ્હીમાં રહેતા છોકરાઓ સાથે મિત્રતા કરી હોવાનો દાવો કરાઈ રહ્યો છે
નોઈડા
સીમા હૈદરનું નામ અત્યારે આખા દેશમાં ચર્ચિત રહ્યું છે. કારણ કે એક બાજુ પબજી ગેમ રમતા રમતા તે ભારતીય યુવક સચિનના પ્રેમમાં પડ્યો હતો. તો બીજી બાજુ ખોટા દસ્તાવેજો બતાવી તેણે ભારતમાં પ્રવેશ કર્યો હતો. હવે પ્રાપ્ત થતી વિગતો પ્રમાણે તેની સામે ફોર્જરી કેસ દાખલ કરાઈ શકે છે. પોલીસે જણાવ્યું છે કે સીમા હૈદર પાસેથી નકલી આધારકાર્ડ સહિતના નકલી દસ્તાવેજો મળ્યા હતા. એટલું જ નહીં સીમાના પરિવારજનોનો પાકિસ્તાન આર્મી સાથે સંબંધ નીકળતા હવે એ એન્ગલ પર પણ તપાસ થઈ રહી છે. સીમાએ ખોટા દસ્તાવેજો પ્રદર્શિત કરી પોતે ભારતીય હોવાનું સાબિત કરવાના પ્રયાસો કર્યા હતા. પ્રાપ્ત વિગતો પ્રમાણે પબજીથી સીમાએ એકલા સચિન જ નહીં અનેક દિલ્હીમાં રહેતા છોકરાઓ સાથે મિત્રતા કરી હોવાનો દાવો કરાઈ રહ્યો છે. તે ખોટા નામે લોકો સાથે ગેમમાં ચેટિંગ કરતી અને દિલ્હીની માહિતી લેતી હતી. એટલું જ નહીં વીડિયો કોલમાં સચિન તેને આસપાસના વિસ્તારો પણ બતાવતો હોવાનું સામે આવ્યું છે. હવે આ મામલે કયો ટ્વિસ્ટ આવ્યો એના પર નજર કરીએ.
નોંધનીય છે કે સીમા હૈદરે જે નકલી આધાર કાર્ડ બનાવ્યું હતું તેમાં તેનું ખોટુ નામ દાખલ કરવામાં આવ્યું હતું. એટલું જ નહીં આ ભારતીય નામ હોવાથી શંકા વધી રહી છે કે આટલી બધી યુક્તિઓ તેણે કેવી રીતે કરી. ઉલ્લેખનીય છે કે ગત સપ્તાહમાં 2 લોકોને આધાર કાર્ડ સાથે ચેડા કરી નકલી બનાવવા અંતર્ગત જન સેવા કેન્દ્ર ખાતેથી ધરપકડ કરાઈ લેવાયા હતા. આની સાથે 15 ખોટા દસ્તાવેજો પણ મળી આવ્યા હતા જેને લઈને શંકાઓ વધી રહી છે.
પોલીસે દર્શાવેલી વિગતો પ્રમાણે સીમા હૈદરને ભારતીય નામ આપી ખોટી ઓળખ સાબિત કરવા માટે 2 શખસોએ મદદ કરી હતી. જેની માહિતી મળતા ગત સોમવારે આ બંને ગઠિયાઓની પોલીસે ધરપકડ કરી લીધી છે. આમાં સીમાના બોયફ્રેન્ડ સચિને સતત મદદ કરી હોવાનું ખુલતા તેની સામે પણ પગલાં ભરાઈ શકે છે.
સિંધ પ્રાંતમાં રહેતી સીમાએ નેપાળના રસ્તે તેના 4 બાળકો સાથે ભારતમાં ઘૂસણખોરી કરી હતી. 13 મેના દિવસે ત્યારપછી સીમા અને સચિને લગ્ન કરી લીધા હતા. લોકડાઉનમાં આ બંને એકબીજા સાથે પબજી રમતા હતા. જોતજોતમાં વાતો થઈ વીડિયો કોલ થયા અને પ્રેમમાં પડી ગયા હતા. ત્યારપછીથી આ બધુ કાવતરુ કરી સીમા અહીં આવી પહોંચી હતી. જોકે ભારત આવતા જ આ કપલ ચર્ચામાં આવી ગયું અને પછી સિક્યોરિટીના મુદ્દાને ધ્યાનમાં રાખીને 4 જુલાઈના દિવસે ધરપકડ કરાઈ હતી. જોકે 3 દિવસમાં તેમને જામીન મળી ગયા અને પછી સીમા અંગે અટકળો શરૂ થઈ. ઘણા લોકો દાવો કરી રહ્યા છે કે સીમાના પાકિસ્તાન આર્મી સાથે કનેક્શન છે જેથી કરીને તે જાસૂસ પણ હોઈ શકે છે. આને લઈને અત્યારે સર્ચ ટીમ પણ કાર્યરત છે.
નોંધનીય છે કે સીમાને ખોટા ડોક્યુમેન્ટ્સ બનાવી ભારત રાખવાનું ષડયંત્ર ઘડવામાં સચિન અને તેના પિતા નેત્રપાલનો હાથ પણ રહેલો છે. નોંધનીય છે કે અત્યારે તેમની સામે તો ફોરેનર એક્ટ અને સેક્શન 120B અંતર્ગત કાર્યવાહી થઈ રહી છે. એટલું જ નહીં અત્યારે વિવિધ ઈન્ટેલિજેન્સ એજન્સીઓ દ્વારા સીમા સામે કાર્યવાહી કરવામાં આવી રહી છે. એટલું જ નહીં તેને સવાલો પૂછવામાં આવી રહ્યા છે. તેવામાં હવે તેણે ભારતના પ્રેસિડેન્ટને લેટર લખ્યો હતો કે મને અહીં દેશની નાગરિકતા આપી દો.
સચિનની વાત કરીએ તો તે એક કરિયાણાના દુકાનમાં કામ કરે છે જ્યારે તેના પિતા ગાર્ડનર છે. સચિનના પિતાએ જણાવ્યું કે અમે રોજિંદા મજૂરી કરીને પોતાનું ગુજરાન ચલાવીએ છીએ. તેવામાં આવી પૂછપરછ ચાલે તો અમારે કામ સ્કિપ થાય અને પછી ખાવા પીવાના પણ ફાંફા પડી શકે છે. હવે પોલીસની આખી ટીમ અમારા ઘરની બહાર રાખી દેવાઈ છે અને અમને કહેવામાં આવી રહ્યું છે કે સૂચના ન મળે ત્યાં સુધી ઘરના બહાર ન નીકળતા. અમે કામ પર પણ નથી જઈ શકતા. તેવાામાં હવે કેવી રીતે સરવાઈવ કરી શકીશું એ પણ મોટો પ્રશ્ન છે.
