સોશિયલ મીડિયા પ્લેટફોર્મ એક્સ પર આ તસવીર શેર કરતી વખતે એક મહિલા યુઝરે લખ્યું કે ઋષિ સુનક એક સજ્જન છે
નવી દિલ્હી
બે દિવસીય જી-20 સમિટ ભારતની અધ્યક્ષતામાં સફળતાપૂર્વક સંપન્ન થઈ. તેમાં ઘણા દેશોના રાજ્યોના મુખ્ય નેતાઓઓની ભાગીદારી જોવા મળી હતી. આ સમયગાળાની ઘણી યાદગાર તસવીરો પણ સામે આવી છે. સમિટથી અલગ એક મીટિંગ દરમિયાન બ્રિટિશ વડાપ્રધાન ઋષિ સુનક અને બાંગ્લાદેશના પીએમ શેખ હસીનાની એક તસવીર વાયરલ થઈ છે, જેમાં બ્રિટિશ પીએમ સુનક ઘૂંટણિયે બેસીને તેમના બાંગ્લાદેશી સમકક્ષ સાથે વાત કરતા જોવા મળી રહ્યાં છે. આ તસવીરે ઇન્ટરનેટ પર ઘણા લોકોને આકર્ષ્યા હતા. લોકો સોશિયલ મીડિયા પર આ હૃદય સ્પર્શી તસવીર ભારે શેર કરી રહ્યા છે.
સોશિયલ મીડિયા પ્લેટફોર્મ એક્સ પર આ તસવીર શેર કરતી વખતે એક મહિલા યુઝરે લખ્યું કે ઋષિ સુનક એક સજ્જન છે. તેઓ બાંગ્લાદેશના પીએમ શેખ હસીનાને કેટલી નમ્રતાથી મળી રહ્યા છે. અન્ય યુઝરે લખ્યું, મોટા માણસને કોઈ અહંકાર નથી હોતો! બ્રિટિશ વડાપ્રધાન ઋષિ સુનક બાંગ્લાદેશના વડાપ્રધાન શેખ હસીના સાથે વાત કરતી વખતે આરામ માટે ફ્લોર પર બેસી ગયા હતા.