સા.આફ્રિકા સામેની હાર બાદ ભારત ટેસ્ટ રેન્કિંગમાં 5મા સ્થાને

સાઉથ આફ્રિકાની ટીમ 8મા સ્થાનેથી નંબર વન પર પહોંચી ગઈ

નવી દિલ્હી
ભારતીય ક્રિકેટ ટીમને સાઉથ આફ્રિકા સામેની બે મેચની ટેસ્ટ શ્રેણીની પ્રથમ મેચમાં 32 રને હરાવી હતી 2 મેચની શ્રેણીમાં 1-0ની લીડ મેળવી લીધી. આ ટેસ્ટ મેચ પહેલા ભારત ડબલ્યુટીસી પોઈન્ટ ટેબલમાં નંબર વન પર હતું. આ હાર પછી ટીમ ઈન્ડિયા આઈસીસી વર્લ્ડ ટેસ્ટ ચેમ્પિયનશિપ 2023-25 પોઈન્ટ ટેબલમાં 5માં સ્થાને પહોંચી ગઈ છે. જયારે સાઉથ આફ્રિકાની ટીમ 8મા સ્થાનેથી નંબર વન પર પહોંચી ગઈ છે.
ભારતીય ક્રિકેટ ટીમે ડબલ્યુટીસીમાં અત્યાર સુધીમાં 3 ટેસ્ટ મેચ રમી છે જેમાં તેણે એક ટેસ્ટ જીતી છે, એક ટેસ્ટ હારી છે અને એક ટેસ્ટ ડ્રો થઈ છે. સાઉથ આફ્રિકાએ એક ટેસ્ટ મેચ રમી અને તે જીતી. સાઉથ આફ્રિકાની ટીમ નંબર વન પર છે જ્યારે પાકિસ્તાનની ક્રિકેટ ટીમ બીજા નંબરે છે. પાકિસ્તાને 3માંથી 2 ટેસ્ટ જીતી છે જ્યારે એકમાં તેને હારનો સામનો કરવો પડ્યો છે. આ યાદીમાં ન્યુઝીલેન્ડની ટીમ ત્રીજા સ્થાને છે. કિવી ટીમે 2 ટેસ્ટ મેચ રમી છે જેમાં તેણે એક જીતી છે અને બીજી હારી છે.
બાંગ્લાદેશની ટીમે બેમાંથી એક ટેસ્ટ જીતી છે અને તે પોઈન્ટ ટેબલમાં ચોથા સ્થાને છે જ્યારે ટીમ ઈન્ડિયા બાંગ્લાદેશથી નીચે પાંચમા સ્થાન પર છે. આ પછી ઓસ્ટ્રેલિયા, વેસ્ટ ઈન્ડિઝ, ઈંગ્લેન્ડ અને શ્રીલંકા આવે છે. આઈસીસી ટેસ્ટ ચેમ્પિયનશિપ હેઠળ, ઓસ્ટ્રેલિયાએ અત્યાર સુધીમાં મહત્તમ 6 ટેસ્ટ મેચ રમી છે, જેમાં 3 મેચમાં જીત, 2 મેચમાં હાર અને એક ટેસ્ટ ડ્રો રહી છે.