યુવરાજ સિંહના ઘરમાં ચોરી, નોકરો સામે ફરિયાદ

75,000 રૂપિયાની રોકડ, કિંમતની જ્વેલરી અને અન્ય વસ્તુઓ કબાટમાંથી ગાયબ, લલિતા દેવી અને સિલદાર પાલે અચાનક નોકરી છોડી દીધી

પંચકુલા

ભારતીય ક્રિકેટ ટીમના પૂર્વ ખેલાડી યુવરાજ સિંહની માતાએ તેમના બે ઘરેલુ કામદારો પર પંચકુલાના સેક્ટર 4, મનસા દેવી કોમ્પ્લેક્સ (એમડીસી)માં ઘરમાંથી રોકડ અને સોનાના દાગીનાની ચોરી કરવાનો આરોપ લગાવ્યો છે. શબનમ સિંહની ફરિયાદના આધારે એમડીસી પોલીસે બે ઘરમાં કામ કરતા કર્મચારીઓ સામે ચોરીનો કેસ નોંધ્યો છે. આ કેસમાં હજુ સુધી કોઈની ધરપકડ કરવામાં આવી નથી.

યુવરાજ સિંહની માતાએ જણાવ્યું કે, “હું સપ્ટેમ્બર 2023થી ગુડગાંવમાં મારા બીજા ઘરમાં રહું છું. 5 ઓક્ટોબર, 2023ના રોજ જ્યારે અમે એમડીસી સ્થિત ઘરે પાછા ફર્યા, ત્યારે મને ખબર પડી કે લગભગ 75,000 રૂપિયાની રોકડ, કિંમતની જ્વેલરી અને અન્ય વસ્તુઓ કબાટમાંથી ગાયબ છે.” ઘરમાં કામ કરનાર કર્મચારી લલિતા દેવી અને સિલદાર પાલે અચાનક નોકરી છોડી દીધી અને દિવાળી બાદથી ગાયબ છે.

વ્યક્તિગત રીતે કેસની તપાસ કરવાના પ્રયત્નો છતાં, યુવરાજ સિંહની માતા કોઈ પુરાવા શોધી શકી ન હતી. શબનમ સિંહે બે પૂર્વ કર્મચારીઓ પર શંકા વ્યક્ત કરી છે અને પોલીસ કાર્યવાહીની માંગ કરી છે. પોલીસે સત્તાવાર રીતે ગુનો નોંધી વધુ તપાસ શરૂ કરી છે.