અમદાવાદ:
ગુલમોહર ગ્રીન્સ:ગોલ્ફ એન્ડ કન્ટ્રી ક્લબ ખાતે ગુલમોહર સ્ટેબલફોર્ડ ટુર્નામેન્ટમાં 0-15 હેન્ડીકેપ કેટેગરીમાં એચએસ ભામરા 82 ગ્રોસ અને 17 પોઈન્ટ સાથે વિજેતા બન્યા હતા. નીરવ સોની 85 ગ્રોસ અને 16 પોઈન્ટ સાથે રનર્સ-અપ રહ્યા હતા. આ સ્પર્ધામાં 52 ગોલ્ફરોએ ભાગ લીધો હતો. આ રાઉન્ડ, બિમાવલે-ગો ગોલ્ફ 2025 કેલેન્ડરના ભાગરૂપે, 20 અને 21 સપ્ટેમ્બરના રોજ યોજાયા હતા.
ઉલ્લેખનીય છે કે, સ્ટેબલફોર્ડ એ ગોલ્ફની રમતમાં એક પોઇન્ટ-આધારિત સ્કોરિંગ સિસ્ટમ છે. ગુલમોહર ગ્રીન્સ દ્વારા તેની કેટલીક ઇવેન્ટ્સ અને ટુર્નામેન્ટમાં સ્ટેબલફોર્ડ ફોર્મેટનો ઉપયોગ કરવામાં આવે છે.
સંજય કુમાર ગોગોઈ 16-30 કેટેગરીમાં 95 ગ્રોસ અને 18 પોઈન્ટ સાથે ટોચના સ્થાને રહ્યા હતા, જ્યારે સંજીવ નિકમ 87 ગ્રોસ અને 17 પોઈન્ટ સાથે બીજા ક્રમે રહ્યા હતા. બે વિજેતા અને બે રનર-અપને અનુક્રમે 3,000 અને 1,800 રિવોર્ડ પોઈન્ટ મળ્યા હતા. ટૂર્નામેન્ટમાં કુલ 25 ગોલ્ફરોને રિવોર્ડ પોઈન્ટ મળ્યા હતા.
કૌશલ્ય સ્પર્ધાઓમાં, ધર્મેન્દ્ર ઝવેરીએ હોલ #4 પર બોલ ફક્ત 0.2 ઇંચ ડીવિએટ થતાં સૌથી સીધી ડ્રાઇવ માટે સ્પર્ધા જીતી હતી. હિરેન ઠક્કરે હોલ #9 પર પિનની સૌથી નજીકનો બીજો શોટ મારવા માટે સ્પર્ધા જીતી હતી, તેમણે બોલને હોલથી 21 ફૂટ અને પાંચ ઇંચ દૂર ઉતાર્યો હતો.
