અમૃતસર
સબ-જૂનિયર બોયસ નેશનલ ફૂટબોલ ચેમ્પિયનશિપ 2025-26, અમૃતસર, પંજાબ માં ટાયર I, ના ગ્રુપ D ની એક મેચમાં ગુજરાતનો ઝારખંડ સામે 5-3થી પરાજય થયો હતો. સ્પર્ધા 28.10.25 થી ચાલુ થઈ છે જે બીબી રાની સ્પોર્ટ્સ સ્ટેડિયમ અને માઉન્ટ લિટેરા જી સ્કૂલ ગ્રાઉન્ડ ખાતે રમાઈ રહી છે. ગ્રુપ D માં ગુજરાત ઉપરાંત દિલ્લી, ઝારખંડ અને મહારાસ્ટ્રની ટીમો છે.
પ્રથમ હાફમાં ઝારખંડની ટીમ સારું રમી અને 3 ગોલથી આગળ રહી, ઝારખંડના કાર્તિક મરાન્ડી એ 2 ગોલ અને મિતાન સિંગે 1 ગોલ કર્યો હતો. બીજા હાફમાં ગુજરાતની ટીમ સુંદર રમત રમી 3 ગોલ કર્યા હતા. ગુજરાતના ઈસાન મહેતા, રુદ્ર પટેલ અને શૌર્ય વરક દ્વારા 1-1 ગોલ ફટકારાયો હતો. ઝારખંડે મેચ 5-3 થી જીતી લીધી હતી. બીજા હાફમાં ઝારખંડના જઈદ અહેમદે 2 ગોલ કર્યા હતા. ગુજરાતની અન્ય મેચો 30.10.25 ના રોજ દિલ્લી સાથે છે અને 01.11.25 ના રોજ મહારાસ્ટ્ર સાથે છે.
