છોકરાઓ, છોકરીઓ, પુરુષો અને મહિલાઓ માટે ઘણા વયજૂથ અને ઓપન કેટેગરીઝ
અમદાવાદ
અદાણી સ્પોર્ટ્સલાઈને આજે 3×3 હૂપર્સ લીગની ત્રીજી સિઝનની જાહેરાત કરી, જે 20 અને 21 ડિસેમ્બરે યોજાશે. આગામી સિઝનમાં છોકરાઓ અને છોકરીઓ બંને માટે અંડર-12, અંડર-15, અંડર-18 અને અંડર-23 કેટેગરીઓઓ તેમજ પુરુષો અને સ્ત્રીઓ માટે ઓપન કેટેગરીઓ રાખવામાં આવશે, જેમાં તમામ ઉંમરના અને અનુભવી ખેલાડીઓ ભાગ લઈ શકશે.
આ દરેક મેચ ફેડરેશનના નિયમો અનુસાર યોજાશે, અને ગુજરાત બાસ્કેટબોલ ફેડરેશન દ્વારા ટુર્નામેન્ટને મંજૂરી આપવામાં આવી છે, જે માન્ય સ્પર્ધાત્મક ધોરણો અને વાજબી રમતનું પાલન સુનિશ્ચિત કરે છે. ત્રીજી સિઝનમાં ગુજરાતભરમાંથી 70 ટીમો ભાગ લેશે.
આ ટુર્નામેન્ટમાં આંતરરાષ્ટ્રીય સ્તરે માન્યતા પ્રાપ્ત 3×3 બાસ્કેટબોલ ફોર્મેટનું પાલન કરવામાં આવશે, જેમાં દરેક ટીમમાં ચાર ખેલાડીઓ હોય છે. ટીમો નોકઆઉટ રાઉન્ડમાં આગળ વધતા પહેલા લીગ-સ્ટેજ મેચોમાં ભાગ લેશે. દરેક મેચ 10 મિનિટ અથવા ટીમ 21 પોઈન્ટ સુધી પહોંચે ત્યાં સુધી રમવામાં આવશે.
