દહેરાદૂનમાં યોજાયેલી KIO નેશનલ કરાટે ચેમ્પિયનશિપમાં અન્ડર-10 કેટેગરીમાં ગુજરાતને અપાવી ગૌરવભરી સફળ
અમદાવાદ
દહેરાદૂનમાં યોજાયેલી 2026 KIO નેશનલ કરાટે ચેમ્પિયનશિપમાં ગુજરાતના યુવા કરાટેકા અર્હમ જોબલિયાએ ગોલ્ડ મેડલ જીતી રાજ્યનું ગૌરવ વધાર્યું છે. 4 થી 7 જૂન, 2026 દરમિયાન યોજાયેલી KIO સબ-જૂનિયર, કેડેટ અને જૂનિયર નેશનલ કરાટે ચેમ્પિયનશિપમાં અર્હમે શાનદાર પ્રદર્શન કરીને અન્ડર-10 બોય્ઝ (-35 કિલોગ્રામ) કેટેગરીમાં પ્રથમ સ્થાન મેળવ્યું હતું.
શાનદાર પ્રદર્શનથી ખિતાબ મેળવ્યો
દેશભરના પ્રતિભાશાળી ખેલાડીઓ વચ્ચે યોજાયેલી આ પ્રતિષ્ઠિત સ્પર્ધામાં અર્હમે પોતાની કુશળતા, આત્મવિશ્વાસ અને સખત મહેનતના બળે ગોલ્ડ મેડલ હાંસલ કર્યો હતો. સમગ્ર ટુર્નામેન્ટ દરમિયાન તેણે ઉત્કૃષ્ટ રમત પ્રદર્શન કરી વિરોધી ખેલાડીઓને પાછળ છોડી ચેમ્પિયન બનવાનો ગૌરવ મેળવ્યો હતો.
ગુજરાત માટે ગૌરવની ક્ષણ
અર્હમ જોબલિયાની આ સિદ્ધિ માત્ર તેના પરિવાર માટે જ નહીં પરંતુ સમગ્ર ગુજરાત માટે ગૌરવની ક્ષણ બની છે. નાની ઉંમરમાં રાષ્ટ્રીય સ્તરે ગોલ્ડ મેડલ જીતતા રમતજગતમાં તેની પ્રતિભાની નોંધ લેવામાં આવી રહી છે. તેની આ સફળતાએ રાજ્યના અન્ય યુવા ખેલાડીઓને પણ પ્રેરણા પૂરી પાડી છે.
કોચ અને સંસ્થાએ વ્યક્ત કરી ખુશી
અર્હમની આ નોંધપાત્ર સિદ્ધિ બદલ તેના કોચ હૃદય ભટ્ટે આનંદ વ્યક્ત કરતા જણાવ્યું હતું કે સતત મહેનત, શિસ્ત અને સમર્પણના કારણે આ સફળતા પ્રાપ્ત થઈ છે. ગુજરાત સ્ટેટ કરાટે એસોસિએશનના પ્રમુખ કલ્પેશ ખત્રી, સેક્રેટરી મહેશ રાવલ, ટ્રેઝરર વિકાસ સોઢી તથા સેન્સેઇ અલ્તાફ સૈયદે પણ અર્હમને અભિનંદન પાઠવ્યા હતા.
ભવિષ્યમાં વધુ સફળતાની આશા
રમતગમત ક્ષેત્રના જાણકારોનું માનવું છે કે અર્હમ જોબલિયા ભવિષ્યમાં આંતરરાષ્ટ્રીય સ્તરે પણ ભારત અને ગુજરાતનું નામ રોશન કરી શકે છે. તેની આ સિદ્ધિ રાજ્યમાં કરાટે રમતના વિકાસ માટે પણ પ્રેરણાદાયી સાબિત થશે.
