35મી બલરામ ક્ષત્રિય મેમોરિયલ ટ્રોફીમાં ગુજરાતના 23 જિલ્લાની ટીમો આમને-સામને; નેશનલ કેમ્પ માટે ખેલાડીઓની પસંદગી પણ થશે
ગાંધીનગર
ફિફા વર્લ્ડ કપના રોમાંચક સમાપન બાદ હવે ગુજરાતમાં ફૂટબોલનો જુસ્સો જોવા મળી રહ્યો છે. ગુજરાત સ્ટેટ ફૂટબોલ એસોસિએશન (GSFA) દ્વારા આયોજિત 35મી બલરામ ક્ષત્રિય મેમોરિયલ ટ્રોફી-2026 અંતર્ગત જૂનિયર બોયઝ ઇન્ટર-ડિસ્ટ્રિક્ટ ફૂટબોલ ટુર્નામેન્ટનો ગાંધીનગર ખાતે ભવ્ય પ્રારંભ થશે. રાજ્યના 23 જિલ્લાની ટીમો આ પ્રતિષ્ઠિત ટુર્નામેન્ટમાં ભાગ લઈ રહી છે.
23 જિલ્લાની ટીમો વચ્ચે ટક્કર
ટુર્નામેન્ટમાં ભાગ લેતી 23 ટીમોને કુલ સાત ગ્રુપમાં વહેંચવામાં આવી છે.
- ગ્રુપ A: છોટાઉદેપુર, મહેસાણા, જામનગર, રાજકોટ
- ગ્રુપ B: મહીસાગર, પંચમહાલ, આણંદ, પાટણ
- ગ્રુપ C: કચ્છ, અમદાવાદ, જુનાગઢ
- ગ્રુપ D: મોરબી, સુરેન્દ્રનગર, દાહોદ
- ગ્રુપ E: વલસાડ, તાપી, બનાસકાંઠા
- ગ્રુપ F: ભરુચ, બોટાદ, વડોદરા
- ગ્રુપ G: ગાંધીનગર, ભાવનગર, સુરત
ગ્રુપ સ્ટેજની મેચો શરૂ થઈ ગઈ છે અને તમામ ટીમો ક્વાર્ટર ફાઇનલમાં સ્થાન મેળવવા માટે જોરદાર સ્પર્ધા કરશે.
ટુર્નામેન્ટનું ફોર્મેટ
દરેક ગ્રુપમાંથી પ્રથમ સ્થાન મેળવનારી ટીમો ઉપરાંત તમામ ગ્રુપમાંથી શ્રેષ્ઠ એક બીજા ક્રમની ટીમ ક્વાર્ટર ફાઇનલમાં પ્રવેશ કરશે. ત્યારબાદ સેમિફાઇનલ અને ફાઇનલ મુકાબલા રમાશે. ટુર્નામેન્ટની ફાઇનલ મેચ 28 જુલાઈ, 2026ના રોજ રમાશે.
પ્રથમ દિવસે આ ટીમોએ નોંધાવ્યો વિજય
ટુર્નામેન્ટના પ્રથમ દિવસે કુલ પાંચ મુકાબલા રમાયા હતા.
- મહેસાણાએ છોટાઉદેપુરને હરાવ્યું.
- રાજકોટે જામનગર સામે જીત મેળવી.
- આણંદે પાટણને પરાજય આપ્યો.
- અમદાવાદે કચ્છ સામે વિજય નોંધાવ્યો.
- મહીસાગર અને પંચમહાલ વચ્ચેનો મુકાબલો 2-2થી ડ્રો રહ્યો.
આવતીકાલના મુકાબલા
બીજા દિવસે રમાનારી મેચો આ પ્રમાણે રહેશે:
- જામનગર vs મહેસાણા
- રાજકોટ vs છોટાઉદેપુર
- આણંદ vs પંચમહાલ
- પાટણ vs મહીસાગર
- અમદાવાદ vs જુનાગઢ
નેશનલ ટીમ માટે ખેલાડીઓની થશે પસંદગી
આ ટુર્નામેન્ટ માત્ર જિલ્લા સ્તરની સ્પર્ધા નથી, પરંતુ ગુજરાત ફૂટબોલ માટે મહત્વપૂર્ણ પસંદગી પ્રક્રિયા પણ છે. ટુર્નામેન્ટ દરમિયાન ખેલાડીઓના પ્રદર્શનના આધારે ગુજરાતની નેશનલ ટીમના કેમ્પ માટે ખેલાડીઓની પસંદગી કરવામાં આવશે. જેના કારણે તમામ ટીમો અને ખેલાડીઓ માટે આ સ્પર્ધા વધુ મહત્વની બની ગઈ છે.
