વધતા સોનાના ભાવ વચ્ચે સામાન્ય અને મધ્યમ વર્ગ માટે સુવર્ણ તક; દર મહિને ગ્રાહકોના ઘરે 999 શુદ્ધતાનું સોનું પહોંચાડવામાં આવે છે , 100 ટકા બાયબેકની સુવિધા સાથે ઇન્સ્યોરન્સનો લાભ
અમદાવાદ:
સોનાના ભાવમાં સતત થઈ રહેલા વધારાને કારણે સામાન્ય અને મધ્યમ વર્ગના પરિવારો માટે સોનું ખરીદવું દિવસેને દિવસે મુશ્કેલ બની રહ્યું છે. ખાસ કરીને એકસાથે મોટી રકમ ખર્ચીને સોનું ખરીદવું દરેક વ્યક્તિ માટે શક્ય નથી. આવી સ્થિતિમાં લોકોને નાની બચત દ્વારા સોનાની ખરીદી કરવાની તક પૂરી પાડવાના હેતુથી સુવર્ણમુદ્રા ગોલ્ડ ફર્મ દ્વારા વિશેષ બચત યોજના શરૂ કરવામાં આવી છે. આ યોજના અંતર્ગત ગ્રાહકો દરરોજ માત્ર ₹50 અથવા ₹100ની બચત કરીને દર મહિને 24 કેરેટ ફિઝિકલ ગોલ્ડ મેળવી શકે છે.
કંપનીની આ અનોખી પહેલ, કામગીરી અને ભવિષ્યના આયોજન અંગે સુવર્ણમુદ્રા ગોલ્ડ ફર્મના CEO અને ફાઉન્ડર ગૌરાંગ શાહ સાથે ખાસ વાતચીત કરવામાં આવી હતી. તેમણે જણાવ્યું હતું કે કંપનીનો મુખ્ય ઉદ્દેશ સામાન્ય માણસને પણ સરળતાથી સોનાની ખરીદી સાથે જોડવાનો છે.
રોજની નાની બચતથી સોનાની ખરીદી
કંપનીના CEO અને ફાઉન્ડરે જણાવ્યું હતું કે ગુજરાતમાં હાલમાં કંપનીનો આ ચોથો શોરૂમ છે. અત્યાર સુધીના તમામ શોરૂમ કંપનીના પોતાના છે અને હવે કંપની ફ્રેન્ચાઇઝી મોડલ દ્વારા પણ વિસ્તરણ કરવાની દિશામાં આગળ વધી રહી છે.
છેલ્લા કેટલાક સમયથી સોનાના ભાવમાં સતત વધારો થઈ રહ્યો છે. તેના કારણે સામાન્ય અને મધ્યમ વર્ગના લોકો સોનું ખરીદવાનું ટાળતા થયા છે. આ સમસ્યાના ઉકેલરૂપે કંપનીએ રોજની ₹50 અને ₹100ની બચત આધારિત યોજના શરૂ કરી છે. આ યોજના દ્વારા ગ્રાહકો પોતાની ક્ષમતા મુજબ દરરોજ બચત કરી શકે છે અને જમા થયેલી રકમના આધારે ફિઝિકલ ગોલ્ડ મેળવી શકે છે.
ડિજિટલ ગોલ્ડ નહીં, ગ્રાહકોને મળશે ફિઝિકલ ગોલ્ડ
બજારમાં અનેક કંપનીઓ ડિજિટલ ગોલ્ડ વોલેટ અથવા નિશ્ચિત સમયગાળા બાદ જ્વેલરી આપવાની યોજનાઓ ચલાવે છે. જોકે, સુવર્ણમુદ્રા ગોલ્ડ ફર્મના જણાવ્યા અનુસાર તેમની યોજનાની વિશેષતા એ છે કે ગ્રાહકોને દર મહિને તેમના ઘરે જ ફિઝિકલ ગોલ્ડ પહોંચાડવામાં આવે છે.
કંપની દ્વારા 24 કેરેટ એટલે કે 999 શુદ્ધતાનું સોનું આપવામાં આવે છે. તેની સાથે શુદ્ધતાનું સર્ટિફિકેટ અને 100 ટકા બાયબેકની સુવિધા પણ આપવામાં આવતી હોવાનો કંપનીનો દાવો છે. આ વ્યવસ્થાથી ગ્રાહકોને ડિજિટલ ગોલ્ડના બદલે વાસ્તવિક સોનાની માલિકી મળે છે.
લાઇવ ગોલ્ડ રેટ પ્રમાણે થશે ગણતરી
યોજનાની કામગીરી અંગે માહિતી આપતાં ફાઉન્ડરે જણાવ્યું હતું કે ગ્રાહકો દર મહિને ₹1,500 અથવા ₹3,000 જેવી રકમ જમા કરી શકે છે. સોનું મોકલવાના દિવસે લાગુ પડતા લાઇવ ગોલ્ડ રેટ પ્રમાણે જમા રકમની ગણતરી કરવામાં આવે છે.
ઉદાહરણ તરીકે, કોઈ ગ્રાહકે ₹1,500 જમા કરાવ્યા હોય અને તે દિવસના લાઇવ રેટ પ્રમાણે ₹1,200નું સોનું મળતું હોય તો ₹1,200ની કિંમતનું સોનું ગ્રાહકને મોકલવામાં આવશે, જ્યારે બાકીના ₹300 ગ્રાહકના વોલેટમાં જમા રહેશે. આ સમગ્ર પ્રક્રિયા કંપનીની વેબસાઇટ અને સ્માર્ટફોન એપ્લિકેશન મારફતે કરવામાં આવે છે, જેથી ગ્રાહકો પોતાની બચત અને વ્યવહારની વિગતો જાણી શકે.
₹50 અને ₹100ની બચતના બે વિકલ્પ
યોજનામાં દૈનિક ₹50 અને ₹100ની બચતના બે વિકલ્પ રજૂ કરવામાં આવ્યા છે. બંને વિકલ્પમાં ગ્રાહકોને દર મહિને નિર્ધારિત વજનના 24 કેરેટ સોનાના સિક્કા આપવામાં આવશે.
- ₹50ની યોજના: દર મહિને 50 મિલિગ્રામ 24 કેરેટ સોનાનો સિક્કો અને ₹2.50 લાખનું અકસ્માત વીમા કવર.
- ₹100ની યોજના: દર મહિને 125 મિલિગ્રામ 24 કેરેટ સોનાનો સિક્કો અને ₹5 લાખનું અકસ્માત વીમા કવર.
બંને યોજનાની મુદત 12 મહિનાની રહેશે. કંપનીના જણાવ્યા અનુસાર, સોનાના સિક્કા ગ્રાહકોને ભૌતિક સ્વરૂપે તેમના ઘરે કુરિયર મારફતે પહોંચાડવામાં આવશે.
ગોલ્ડ ડિલિવરી સાથે ઇન્સ્યોરન્સની સુરક્ષા
સોનાની ડિલિવરી અને સુરક્ષાને ધ્યાનમાં રાખીને કંપની દ્વારા કુરિયર પાર્ટનર સાથે વ્યવસ્થા કરવામાં આવી છે. કંપનીના જણાવ્યા અનુસાર, ગોલ્ડ ડિસ્પેચ થયા બાદથી જ તેના પર ઇન્સ્યોરન્સ કવચ લાગુ પડે છે. ગ્રાહકને સોનું પહોંચ્યા બાદ પણ એક વર્ષ માટે અલગથી ગોલ્ડ ઇન્સ્યોરન્સની સુવિધા આપવામાં આવે છે.
આ ઉપરાંત, જે ગ્રાહકો સતત 12 મહિના સુધી યોજનાનો લાભ લે છે, તેમને કંપની તરફથી ₹2.5 લાખથી ₹5 લાખ સુધીનો અકસ્માત વીમો વિનામૂલ્યે આપવાની જોગવાઈ હોવાનું જણાવાયું છે.
યોજનામાં ગ્રાહકોને વધુ રાહત મળે તે માટે કોઈ મહિનાનો હપ્તો ચૂકી જાય તો તેના પર પેનલ્ટી કે લેટ ચાર્જ વસૂલવામાં આવતો નથી, એવો પણ કંપની તરફથી દાવો કરવામાં આવ્યો છે.
ગુજરાત સહિત વિદેશમાં વિસ્તરણનું આયોજન
સુવર્ણમુદ્રા ગોલ્ડ ફર્મને આ ક્ષેત્રમાં કામગીરી શરૂ કર્યાને આઠ વર્ષ પૂર્ણ થયાં છે. હાલમાં અમદાવાદના સી.જી. રોડ અને હેલ્મેટ સર્કલ ઉપરાંત બહુચરાજી અને કલોલમાં કંપનીની બ્રાન્ચ કાર્યરત છે.
કંપની આગામી સમયમાં સુરત, વડોદરા, ભરૂચ, રાજકોટ, માણસા અને મહેસાણા સહિતનાં શહેરોમાં નવી બ્રાન્ચ શરૂ કરવાની યોજના ધરાવે છે. આ ઉપરાંત, આંતરરાષ્ટ્રીય સ્તરે કામગીરી વિસ્તારવાના ભાગરૂપે યુનાઇટેડ સ્ટેટ્સ ઓફ અમેરિકા (USA)માં પણ આ જ બચત યોજના શરૂ કરવાની દિશામાં આયોજન કરવામાં આવી રહ્યું છે.
કંપનીના ફાઉન્ડરે વધુમાં જણાવ્યું હતું કે કંપનીની તમામ યોજનાઓ લાગુ નિયમો અને સરકારી માર્ગદર્શિકાઓને અનુરૂપ સંચાલિત કરવામાં આવે છે.
નાની બચત દ્વારા સોનાની ખરીદી શક્ય બનાવવાના હેતુથી શરૂ કરાયેલી આ પહેલ સામાન્ય વર્ગના પરિવારો માટે આકર્ષણનું કેન્દ્ર બની શકે છે. જોકે, કોઈપણ બચત યોજના સાથે જોડાતાં પહેલાં ગ્રાહકોએ યોજનાની સંપૂર્ણ શરતો, સોનાની કિંમતની ગણતરી, ડિલિવરી ચાર્જ, બાયબેકની શરતો અને ઇન્સ્યોરન્સની વિગતો લેખિતમાં જાણી લેવી જરૂરી છે.
