અમદાવાદ પિકલબોલનો ફિવર આખા અમદાવાદમાં છવાયેલો જોવા મળે છે. આ રમત અંગેના ઉત્સાહને નવા સ્તરે પહોંચાડવા માટે પિકલબોલ ગ્રાન્ડ સ્લેમનું આયોજન કરવામાં આવ્યું છે. શહેરનાં સાબરમતી રિવરફ્રન્ટ સ્પોર્ટ્સ પાર્ક, પાલડી ખાતે 14 થી 16 જૂન દરમિયાન આ ટૂર્નામેન્ટનું અદાણી સ્પોર્ટ્સલાઈન દ્વારા ગુજરાત સ્ટેટ પિકલબોલ એસોસિએશન સાથે મળીને આયોજન કરવામાં આવ્યું છે. અદાણી સ્પોર્ટ્સલાઈન દ્વારા સંચાલિત સાબરમતી રિવરફ્રન્ટ સ્પોર્ટ્સ પાર્ક એ પિકલબોલનાં ખેલાડીઓ માટે મહત્ત્વપૂર્ણ સ્થળ બની ગયું છે. આ આઈકોનિક સ્થળે જ વર્લ્ડ પિકલબોલ ટૂર્નામેન્ટ ઓક્ટોબરમાં યોજાશે. પિકલબોલ ગ્રાન્ડ સ્લેમ રાઉન્ડ રોબિન ફોર્મેટમાં ભવ્ય અંદાજમાં શરૂ થયા બાદ એલિમિનેટર રાઉન્ડ અને પછી સેમિફાઈનલ-ફાઈનલ સાથે પૂર્ણ થશે. આ ટૂર્નામેન્ટની કૂલ પ્રાઈઝમની 45 હજાર રૂપિયા છે. જ્યારે આ ગ્રાન્ડ સ્લેમમાં પુરુષ ડબલ્સ, મિક્સ્ડ ઓપન ડબલ્સ અને ઈન્ટરમિડિયેટ ઓપન ડબલ્સ. રસ ધરાવતા સ્પર્ધકો ભાગ લેવા માટે +91 9924257820 પર કોલ કરી અથવા enquiry@adanisportsline.com. પર ઈમેલ કરી 1500 રૂપિયા રજીસ્ટ્રેશન ફી સાથે પોતાનું સ્થાન નિશ્ચિત કરી શકે છે. 12 જૂન આ માટે અંતિમ તારીખ છે. ટૂર્નામેન્ટનો કાર્યક્રમ અદાણી સ્પોર્ટ્સલાઈનનાં સોશિયલ મીડિયા હેન્ડલ્સ પર જાહેર કરાશે. અદાણી સ્પોર્ટ્સલાઈનનાં સીબીઓ સંજય અદેસરાએ આ ઈવેન્ટ મુદ્દે કહ્યું કે,”પિકલબોલ એ એક્શનથી ભરપૂર રહે છે, આ ઝડપી ગતિની રમત અમદાવાદમાં તમામ લોકોમાં છવાઈ ગઈ છે. પિકલબોલ ગ્રાન્ડ સ્લેમ ટૂર્નામેન્ટ એ માત્ર ટૂર્નામેન્ટ નથી પરંતુ ઉત્સાહને એક ચળવળમાં આગળ વધારવાની તક છે. અદાણી સ્પોર્ટ્સલાઈનનાં ગુજરાત પિકલબોલ એસોસિએશન સાથે જોડાવવાનો આનંદ છે, અમે આવનારા સમયમાં ઘણી શાનદાર સ્પર્ધાઓ જોવા તત્પર છીએ. શ્રેષ્ઠ ટીમ જ જીતશે.” અમદાવાદમાં યોજાનાર પિકલબોલ ગ્રાન્ડ સ્લેમમાં ભાગ લેવાની અને તેને નિહાળવાની તક ચૂકશો નહીં. તમે પણ અમદાવાદની સતત વધી રહેલ પિકલબોલ કોમ્યુનિટીનો ભાગ બનો.