બરોડા બીએનપી પારિબા એએમસી અને નૈનીતાલ બેંક લિમિટેડે મ્યુચ્યુઅલ ફંડ પ્રોડક્ટ્સના વિતરણના કરાર પર હસ્તાક્ષર કર્યા

મુંબઈ

 બરોડા બીએનપી પારિબા એએમસી અને નૈનીતાલ બેંક લિમિટેડે (એનબીએલ) બરોડા બીએનપી પારિબા એએમસીના હેડ-પીએસયુ ચેનલ શ્રી યોગેશ શર્મા, નૈનીતાલ બેંક લિમિટેડના એમડી અને સીઈઓ શ્રી નિખિલ મોહન તથા બંને સંસ્થાઓના સિનિયર અધિકારીઓની હાજરીમાં મ્યુચ્યુઅલ ફંડ પ્રોડક્ટ્સના વિતરણ માટેના કરાર પર હસ્તાક્ષર કર્યા હતા.

કરાર એનબીએલને તેના ગ્રાહકોને ઇક્વિટી ફંડ્સ, ફિક્સ્ડ ઇન્કમ ફંડ્સ અને હાઇબ્રિડ ફંડ્સ સહિત મ્યુચ્યુઅલ ફંડ પ્રોડક્ટ્સની વિશાળ શ્રેણી ઓફર કરવા સક્ષમ બનાવશે. આ એનબીએલને તેના ગ્રાહકોની વધતી જતી જરૂરિયાતોને પહોંચી વળવામાં અને તેમને રોકાણના વિકલ્પોની વિશાળ શ્રેણી પ્રદાન કરવામાં મદદ કરશે. આ ભાગીદારી બરોડા બીએનપી પારિબા એએમસીને તેની 169 શાખાઓમાં તમામ 5 રાજ્યોને આવરી લેતા એનબીએલના ગ્રાહક આધારને સેવા આપવા સક્ષમ બનાવશે.

આ પ્રસંગે બરોડા પીએનબી પારિબા એએમસીના સીઈઓ સુરેશ સોનીએ જણાવ્યું હતું કે “અમે સમાજના સેવાથી વંચિત વર્ગોને રોકાણના સોલ્યુશન્સ પ્રદાન કરવા માટે પ્રતિબદ્ધ છીએ અને એનબીએલ સાથે ભાગીદારી કરવામાં આનંદ અનુભવીએ છીએ. એનબીએલ પાસે ઉત્તર ભારતમાં ગ્રાહકોને 100 વર્ષથી વધુ સેવા પૂરી પાડ્યાનો સમૃદ્ધ વારસો છે. એનબીએલ સાથેની અમારી ભાગીદારી અમને ગ્રામીણ અને અર્ધ-શહેરી વિસ્તારોમાં વધુ ગ્રાહકો સુધી પહોંચવામાં અને તેમને મ્યુચ્યુઅલ ફંડમાં રોકાણના લાભો પ્રદાન કરવામાં મદદ કરશે.”

નૈનીતાલ બેંક લિમિટેડના એમડી અને સીઈઓ નિખિલ મોહને જણાવ્યું હતું કે, “અમે બરોડા બીએનપી પારિબા મ્યુચ્યુઅલ ફંડ સાથે તેમની મ્યુચ્યુઅલ ફંડ પ્રોડક્ટ્સનું વિતરણ કરવા માટે ભાગીદારી કરીને ખુશ છીએ. આ ભાગીદારી અમને અમારા ગ્રાહકોને રોકાણના વિકલ્પોની વિશાળ શ્રેણી ઓફર કરવામાં અને તેમની વધતી નાણાંકીય જરૂરિયાતોને પહોંચી વળવા માટે મદદ કરશે.”