ગુજરાત ક્રિકેટ એસોસિએશન (GCA) જય શાહને ઇન્ટરનેશનલ ક્રિકેટ કાઉન્સિલ (ICC) ના સૌથી યુવા પ્રમુખ તરીકે ચૂંટાવાની તેમની નોંધપાત્ર સિદ્ધિ બદલ અભિનંદન પાઠવ્યા. જય શાહ, જેમણે ઑક્ટોબર 2019 થી ભારતીય ક્રિકેટ કંટ્રોલ બોર્ડ (BCC) ના માનદ સચિવ તરીકે અને જાન્યુઆરી 2021 થી એશિયન ક્રિકેટ કાઉન્સિલ (ACC) ના અધ્યક્ષ તરીકે સેવા આપનારા જય શાહ ICC પ્રમુખ તરીકે તેમનો કાર્યભાર 1 ડિસેમ્બર, 2024થી સંભાળશે.
જય શાહની ઐતિહાસિક સિદ્ધિ બદલ ગુજરાત ક્રિકેટ એસોસિએશનના પ્રમુખ ધનરાજ નથવાણીએ ગૌરવ વ્યક્ત કર્યું
જય શાહના પ્રયાસો આંતરરાષ્ટ્રીય મહિલા ક્રિકેટરો માટે વેતનની સમાનતા વધારવામાં મહત્વપૂર્ણ ભૂમિકા ભજવી રહ્યા છે અને મહિલા પ્રીમિયર લીગ (WPL) ની શરૂઆતથી મહિલા ક્રિકેટરો માટે તક અને દૃશ્યતાના નવા યુગની શરૂઆત થઈ છે, જે રમતને અભૂતપૂર્વ ઊંચાઈએ લઈ ગઈ છે.
