મહેસાણા
ગુજરાત સ્ટેટ ફૂટબોલ અસોશિએશન દ્વારા આયોજિત 34 મી જુનીયર બલરામ ક્ષત્રિય મેમોરિયલ ટ્રોફી 2025માં 10.7.2025 ના રમાયેલ મેચના રિઝલ્ટઃ છોટાઉદેપુર અને ખેડાની મેચ 3-3 થી ડ્રૉ રહી હતી. છોટાઉદેપુર તરફથી પ્રિયાશ અને મયૂરકુમારે 1-1 ગોલ જ્યારે ખેડા તરફથી નિત્ય જૈન દ્વારા 2 ગોલ. હિરવ દ્વારા 1 ગોલ અને ધૈર્ય દોશી દ્વારા 1 સેલ્ફ ગોલ થયો હતો.
બીજી મેચમાં જામનગરે હરિ થાપાના 2 ગોલ, દેવ ખેરાના 2 ગોલ અને આદર્શ, નમન, નિત્યારાજસિંહના 1-1 ગોલની મદદથી દાહોદને 7-1 થી મહાત આપી હતી. દાહોદના નૈતિક બારિયાએ 1 ગોલ કર્યો હતો.
ત્રીજી મેચમાં ભાવનગરે આશીર ડિસિલ્વાના 4 ગોલ, જૈનીલના 2 ગોલ, અને ઇબ્રાહિમ દીવાન તથા રાજવીરસિંહ દ્વારા 1-1 ગોલની મદદથી મોરબીને 8-0થી પરાજય આપ્યો હતો..
ચોથી મેચમાં અમદાવાદની ટીમે અક્ષર પટેલના 4 ગોલ, યુગ જવેરીના 3 ગોલ, સુભમ દસના 2 ગોલ તથા તનીશ નાયર અને સોહમના 1-1 ગોલ દ્વારા બનાસકેઠા પર 12-0 થી એકતરફી વિજય મેળવ્યો હતો.
11 જુલાઈ ના રોજ 4 મેચ રમાશે. ખેડા અને મહેસાણા, જામનગર અને દેવભૂમિ દ્વારિકા , મોરબી અને સુરત, અને બનાસકાઠા અને જુનાગઢ વચ્ચે મેચ રમાશે.
