રાજ્યસભાનાં સાંસદ નરહરિ અમીન દ્વારા આયોજીત સાંસદ ખેલ મહોત્સવ તા.21,22,23 નવેમ્બર,2025 દરમિયાન યોજવામાં આવ્યો હતો. જેમાં ગાંધીનગર લોકસભા વિસ્તારની શાળા-કોલેજના વિદ્યાર્થી ભાઈઓ-બહેનોએ ભાગ લીધો હતો.
તા.21-11-25 ના રોજ હીરામણિ સ્કૂલ ખાતે યોજાયેલ કબડ્ડી, વૉલીબોલ અને ખો-ખો સ્પર્ધામાં 56 ટીમોનાં 686 ખેલાડીઓએ ભાગ લીધો હતો. તા.22-11-25 ના રોજ હીરામણિ સ્કૂલ ખાતે રસ્સા ખેંચ, યોગાસન, લીંબુ ચમચી, સંગીત ખુરશી (વૃદ્ધાશ્રમના વડીલો)માં કૂલ 606 ખેલાડીઓએ ભાગ લીધો હતો.તા.23-11-25 ના રોજ વીર સાવરકર સ્પોર્ટ્સ કોમ્પ્લેક્ષ ખાતે યોજાયેલ બાસ્કેટબૉલ સ્પર્ધામાં 17 ટીમોનાં 204 ખેલાડીઓએ ભાગ લીધો હતો અને એકલવ્ય એકેડમી, થલતેજ ખાતે યાજેયલ સ્કેટિંગ સ્પર્ધામાં 6 થી 18 વર્ષના 425 ખેલાડીઓએ ભાગ લીધો હતો.આ મહોત્સવમાં કુલ 1905 ખેલાડી ભાઈઓ-બહેનોએ ભાગ લીધો હતો. જેમાં 10 ટ્રોફી, 322 મેડલ અને તમામ ખેલાડીઓએ પાર્ટીસિપેટ સર્ટીફિકેટ એનાયત થયા હતાં.
