અમદાવાદ
ITF મહિલા ટુર્નામેન્ટના પહેલા રાઉન્ડમાં (મુખ્ય ડ્રો, 32) ખેલાડીઓનાં પ્રભાવશાળી પ્રદર્શન અને નોંધપાત્ર અપસેટ જોવા મળ્યા. ચૌદ વર્ષની પ્રતિભાશાળી જેન્સી કનાબારે ઉત્કૃષ્ટ દેખાવ જારી રાખતા, 6-2, 2-0 (નિવૃત્ત) વિજય સાથે તેનું પ્રથમ WTA રેન્કિંગ મેળવ્યું.
વાઇલ્ડ કાર્ડ પ્રવેશ કરનાર શૈલી ઠક્કરે WTA 1400 ક્રમાંકિત ખેલાડીને ત્રણ સેટની સખત ટક્કરવાળી મેચમાં 6-4, 6-7(3), 6-3 થી હરાવીને મોટો અપસેટ સર્જ્યો હતો.
બીજી ક્રમાંકિત વૈદેહી ચૌધરીએ પોતાના અનુભવ અને સાતત્યનું પ્રદર્શન કરીને 6-4, 6-2 થી આસાન વિજય મેળવ્યો.
ઝીલ દેસાઈ પાર્થસારથી મુંડે સામે 6-7(6), 2-6 થી મુકાબલો હારી ગઈ.
તેણે પહેલા સેટમાં બે સેટ પોઈન્ટ મેળવ્યા હતા પરંતુ તેનો લાભ ઊઠાવી શકી નહીં.
મેચ આગળ વધતી ગઈ તેમ ઝીલ થાકેલી દેખાતી હતી.
